Tuesday, January 25, 2011

ഒരു അപേക്ഷ

പ്ലാന്‍ വരച്ചു നല്‍കുവാന്‍ ആവശ്യപ്പെട്ടും മറ്റാരെങ്കിലും ഡിസൈന്‍ ചെയ്ത പ്ലാനുകള്‍ പരിശോധിച്ച് തെറ്റുകള്‍ പറഞ്ഞു തരുവാനും ആവശ്യപ്പെട്ടു നിരവധി മെയിലുകള്‍ വരാറുണ്ട്. മറ്റൊരാളുടെ ഡിസൈന്‍ വിലയിരുത്തി അതില്‍ കുറ്റം കണ്ടുപിടിക്കുവാന്‍ തക്ക അര്‍ഹതയോ അറിവോ എനിക്കില്ലെന്ന് വിനീതമായി പറഞ്ഞു കൊള്ളട്ടെ. എങ്കിലും എന്റെ കാഴ്ചപ്പാടില്‍ കാണുന്ന ചിലതൊക്കെ സൂചിപ്പിക്കാറുണ്ടെന്ന് മാത്രം. അത് മറ്റു ഡിസൈനര്‍മാരെ ഇകഴ്ത്തുവാനായി ബോധപൂര്‍വ്വം ചെയ്യുന്നതല്ല. ഞാന്‍ ചെയ്യുന്ന ഡിസൈനിലെ അപാകതകള്‍ മറ്റുള്ളവരുടെ നോട്ടത്തില്‍ പെട്ടെന്നു കണ്ടെത്തുവാന്‍ ആയേക്കും. അതൊരു സാധരണ സംഭവമാണ്.

അത്യാവശ്യം ജോലിത്തിരക്കും കുറച്ച് എഴുത്തും വായനയും പിന്നെ കുടുമ്പകാര്യങ്ങളുമായി കഴിയുന്ന എന്നെ സംബന്ധിച്ച് ഇതിനിടയില്‍ സമയം കണ്ടെത്തിയാണ് ഈ വഹക സഹായങ്ങള്‍ക്ക് നീക്കിവെക്കുന്നത്. പ്ലാനുകള്‍ ആവശ്യപ്പെട്ടോ അല്ലെങ്കില്‍ എന്തെങ്കിലും സഹായങ്ങള്‍ ആവശ്യപ്പെട്ടോ മെയില്‍ വഴി വരുന്ന അന്വേഷണങ്ങളില്‍ മിക്കതിനു മറുപടി നല്‍കുവാന്‍ പരമാവധി ശ്രമിക്കാറുണ്ട്. എന്നാല്‍ ഇത്തരം ആവശ്യവുമായി ബന്ധപ്പെടുന്ന പലരും പിന്നീട് ആ വീടിന്റെ നിര്‍മ്മാണം നടത്തിയോ പൂര്‍ത്തിയാക്കിയോ എന്നു പോലും അറിയിക്കുവാനുള്ള സാമാന്യമര്യാദ കാണിക്കാറില്ല. ഇതൊരു തുടര്‍ച്ചയാകുമ്പോള്‍ തീര്‍ച്ചയായും മാനസീകമായി അല്പം പ്രയാസം ഉള്ള കാര്യമായി മാറുന്നു. എങ്കിലും ചിലരെല്ലാം മറുപടി അയക്കാറില്ലെന്ന് പറയുന്നില്ല. കണ്ണൂരില്‍ ഒരു വീടിന്റെ പണി പൂര്‍ത്തിയാക്കിയ വിവരം സന്തോഷപൂര്‍വ്വം അറിയിച്ചിരുന്നു. അതുപോലെ ആലപ്പുഴയില്‍, തൃശ്ശൂരിലെ ചാവക്കാട് പ്രദേശത്ത് തുടങ്ങിയ ചിലയിടങ്ങളില്‍ നിന്നൊക്കെ ഇത്തരത്തില്‍ മറുപടി ലഭിച്ചിട്ടുണ്ട്. എന്നാല്‍ ഇവര്‍ ആരും വീടുകളുടെ പൂര്‍ത്തിയായ ഫോട്ടോ തരുവാനോ അത് ബ്ലോഗ്ഗില്‍ നല്‍കുവാനോ ഉള്ള സൌമനസ്യം കാണിച്ചില്ല.

വീടിന്റെ ഫൌണ്ടേഷന്റെ ജോലികള്‍ ആരംഭിക്കുന്നതിനു മുമ്പ്തന്നെ ഡിസൈനിനെ പറ്റി വിശദമായ ചര്‍ച്ചകള്‍ നടത്തി അപാകതകള്‍ പരിഹരിക്കുവാന്‍ നോക്കുക. എലിവേഷനും പ്ലാനും രണ്ടല്ലെന്നും അത് ഒരു കെട്ടിടത്തിന്റെ ഡിസൈനിങ്ങില്‍ തുല്യപ്രാധാന്യം ഉള്ള താണെന്നും മനസ്സിലാക്കുക. തറകെട്ടിയതിനു ശേഷം എലിവേഷന്‍ ചെയ്യുന്ന പ്രവണത ഒഴിവാക്കുക.എന്തായാലും എന്റെ ഈ കുഞ്ഞു ബ്ലോഗ്ഗില്‍ നിന്നും വീടു നിര്‍മ്മിക്കുവാനായി പ്ലാനുകള്‍ എടുക്കുന്നു എന്നതിലും എന്റെ അഭിപ്രായങ്ങള്‍ ആരായുന്നു എന്നതും അത്യന്തം സന്തോഷമുള്ള കാര്യമാണ്.

സസ്നേഹം
എസ്.കുമാര്‍

5 comments:

paarppidam said...

പ്ലാന്‍ വരച്ചു നല്‍കുവാന്‍ ആവശ്യപ്പെട്ടും മറ്റാരെങ്കിലും ഡിസൈന്‍ ചെയ്ത പ്ലാനുകള്‍ പരിശോധിച്ച് തെറ്റുകള്‍ പറഞ്ഞു തരുവാനും ആവശ്യപ്പെട്ടു നിരവധി മെയിലുകള്‍ വരാറുണ്ട്. മറ്റൊരാളുടെ ഡിസൈന്‍ വിലയിരുത്തി അതില്‍ കുറ്റം കണ്ടുപിടിക്കുവാന്‍ തക്ക അര്‍ഹതയോ അറിവോ എനിക്കില്ലെന്ന് വിനീതമായി പറഞ്ഞു കൊള്ളട്ടെ. എങ്കിലും എന്റെ കാഴ്ചപ്പാടില്‍ കാണുന്ന ചിലതൊക്കെ സൂചിപ്പിക്കാറുണ്ടെന്ന് മാത്രം. അത് മറ്റു ഡിസൈനര്‍മാരെ ഇകഴ്ത്തുവാനായി ബോധപൂര്‍വ്വം ചെയ്യുന്നതല്ല. ഞാന്‍ ചെയ്യുന്ന ഡിസൈനിലെ അപാകതകള്‍ മറ്റുള്ളവരുടെ നോട്ടത്തില്‍ പെട്ടെന്നു കണ്ടെത്തുവാന്‍ ആയേക്കും. അതൊരു സാധരണ സംഭവമാണ്.

Anonymous said...

Well said. Most of the time we Keralites forget to say a "Thank you". I think it is not there in our culture ! At the most, we return a smile after getting a favour frome someone!!

paarppidam said...

കമന്റിനു നന്ദി അനോണി. നിരന്തരമായ ഒരു പ്രക്രിയയായപ്പോള്‍ ആണ് ഇത്തരം ഒരു പോസ്റ്റിടേണ്ടിവന്നത്. ഇത്തരം ഒരു പോസ്റ്റ് അനൌചിത്യം ആകും എന്നൊരു ചിന്ത ഉണ്ടാകാതിരുന്നില്ല.എങ്കിലും ഇട്ടു എന്നു മാത്രം.

Kishor said...

http://mybizle.com ,kerala's new classifieds and community site.Hre you can Buy/Sell/Find Apartments in kerala,villas in kerala,Properties in Kerala,Land for Sale in Kerala,Commercial and residential properties in kerala.visit http://mybizle.com and register with mybizle.com.Only 4 easy steps to post your advertisement in mybizle.com.1.Register with mybizle.com,2.activate your account,3.log on to mybizle,com,4.Post you advertisements.

Kishor,from Kozhokode,Kerala.

jamsheer said...

Valare upakaram sir

E-pathram

ePathram.com