Saturday, January 30, 2010

വെളിച്ചം നിറച്ച വീട്‌.





പ്ലാനിനു കടപ്പാട്‌ മിസ്സിസ്‌.വിനി.എസ്‌ കുമാർ

കാലാവസ്ഥയിൽ വലിയ വ്യതിയാനം സംഭവിക്കുന്ന ഒരു കാലഘട്ടത്തിൽ വീടുപണിയുമ്പോൾ അത്‌ ചെറുതായാലും വലുതായാലും വാസ്തുവിന്റെ ചിട്ടകൾക്കും അളവുകൾക്കും അപ്പുറം കാറ്റും വെളിച്ചവും യഥേഷ്ടം കടന്നുവരിക,ഉള്ള സ്ഥലം പരമാവധിപ്രയോജനപ്പെടുത്തുക എന്നതായിരിക്കണം പ്രാധാന്യം നൽകേണ്ടത്‌.ഈ വീട്ടിൽ ധാരാളം കാറ്റും വെളിച്ചവും കടന്നുവരുവാൻ നിറയെ ജാലകങ്ങൾ നൽകിയിരിക്കുന്നു. (സ്കൈലൈറ്റിന്റെ ഉയർന്ന നിർമ്മാണ ചിലവു മൂലം അത്‌ ഒഴിവാക്കിയിരിക്കുന്നു)

വരാന്തയിലേക്ക്‌ പടികൾ കയറുന്നിടത്തുതന്നെ ലിവിങ്ങിലേക്കുള്ള വാതിൽ കൊടുത്തിരിക്കുന്നതിനാൽ ഭാക്കി ഭാഗത്ത്‌ ഇരിക്കുവാൻ സൗകര്യം ലഭിക്കുന്നു. ലിവിങ്ങിൽ "C" ആകൃതിയിൽ ഇരിപ്പിട സംവിധാനം ഒരുക്കിയിരിക്കുന്നു. ഡാ‍ീനിങ്ങിലേക്ക്‌ കടക്കുമ്പോൾ ഇടതുഭാഗത്തായി ചെറിയ ഒരു സ്റ്റഡി ഏരിയ. തൊട്ടടുത്തായി മുളികേക്കുള്ള സ്റ്റെയർകേസ്‌ നൽകിയിരിക്കുന്നു.മാസ്റ്റർ ബെഡ്‌റൂമിൽ ഒരു ചെറിയ ഷെൽഫ്‌ നൽകിക്കൊണ്ട്‌ സ്റ്റെയർകേസിന്റെ അടിഭാഗം വളരെ ക്രിയാത്മകമായി പ്രയോജനപ്പെടുത്തിയിരിക്കുനു. സ്റ്റെയറിന്റെ വശത്തായി ഡൈനിങ്ങ്‌ റൂമിൽ നിന്നും കാണാവുന്ന വിധത്തിൽ ടി.വി സജ്ജീകരിച്ചിരിക്കുന്നു. ഡൈനിങ്ങ്‌ റൂമിൽ ഡൈനിംഗ്‌ ടേബിളിനെ കൂടാതെ ഇരിക്കുവാനായി ജനലിനോടു ചേർന്ന് സീറ്റിങ്ങും കൊടുത്തിരിക്കുന്നു. ഇതിനോട്‌ ചേർന്ന് വാഷ്‌ ഏരിയായും ചെറിയ ഒരു ടോയ്‌ലറ്റും നൽകിയിരിക്കുന്നു.

അടുക്കളയിൽ C ആകൃതിയിൽ കൗണ്ടർ നൽകിയിരിക്കുന്ന അടുക്കളയിൽ ഒരു ചെറിയ ബ്രേക്ക്ഫാസ്റ്റ്‌ കൗണ്ടറും ചെയറും നൽകിയിരികുന്നു. ഇവിടെ ഫ്രിഡ്ജും,സ്റ്റൗ/ഓവൻ,സിങ്ക്‌ തുടങ്ങി എല്ലാ സൗകര്യങ്ങളും ഒരുക്കിയിരിക്കുന്നു. ചുറ്റും ഓവർഹെഡ്‌ ക്യാമ്പിനറ്റുകൾ നകുന്നതിനുപകരം ഫ്രിഡ്ജ്‌ ഇരിക്കുന്ന വശത്തെ ചുമരിൽ മാത്രം നൽകിയിരിക്കുന്നു.പലപ്പോഴും കിച്ചണിൽ മൂന്നു ചുവരിലും ക്യാബിനറ്റുകൾ നൽകാറുണ്ട്‌,ഇത്‌ ഒരു പരിധിവരെ അനാവശ്യമാണെന്ന് മാത്രമല്ല കിച്ചണ്ടെ വലിപ്പത്തെ കുറച്ചുകാണിക്കും.കിച്ചണ്‌പ്പുറത്തായി യൂടിലിറ്റി ഏരിയായും നൽകിയിട്ടുണ്ട്‌.വാഷിങ്ങ്‌ മേഷീൻ ഇവിടെ ആണ്‌ വച്ചിരിക്കുന്നത്‌. പുകയില്ലാത്ത ഒരു അടുപ്പ്‌ ഈ ഏരിയായിൽ ക്രമീകരിച്ചിരിക്കുന്നു.

താഴത്തെ നിലയിൽ രണ്ട്‌ കിടപ്പുമുറികൾ ആണ്‌ ഉള്ളത്‌. രണ്ടുബെഡ്‌റൂമുകളിലും ബാത്‌റൂമുകളിലേക്ക്‌ കടക്കുന്നത്‌ ഡ്രസ്സിങ്ങ്‌ ഏരിയായിലൂടെ ആണ്‌.

സ്റ്റെയർക്കേസ്‌ കയറി മുകൾ നിലയിലേക്ക്‌ ചെല്ലുന്നത്‌ ഒരു ഫാമിലി ലിവിംഗ്‌ ഏരിയായിലേക്കാണ്‌.ഇതിന്റെ ഒരു ഭാഗത്ത്‌ ടി.വി വെച്ചിരിക്കുന്നു, എതിർവ്വശത്തായി ഒരു ചെറിയ ലൈബ്രറിയും ഒരുക്കിയിരിക്കുന്നു.ഇവിടെ താഴത്തെ നിലയിലെ സ്റ്റഡി ഏരിയായുടെ മുകളിലും ഡൈനിംഗ്‌ ഏരിയായുടെ കോർണറിലുമായി രണ്ട്‌ കട്ടൗട്ടുകൾ ഉണ്ട്‌.ഈ കട്ടൗട്ടുകൾ ഇരുനിലകളേയും തമ്മിൽ വേർത്തിരിക്കുന്നതിനെ ഒഴിവാക്കുന്നതോടൊപ്പം യഥേഷ്ടം വായുസഞ്ചാരത്തിനും ഉപകരിക്കുന്നു.

മുകൾ നിലയിൽ രണ്ടു ബെഡ്‌റൂമുകൾ ആണ്‌ ഉള്ളത്‌. ഇവിടെയും അറ്റാച്ച്ഡ്‌ ബാത്‌റൂമും ഡ്രസ്സിംഗ്‌ ഏരിയായും നൽകിയിരിക്കുന്നു. ഇതുകൂടാതെ ഒരു ബാൽകണിയും ഉണ്ട്‌. (കിച്ചണു മുകളിലെ ബെഡ്‌റൂമിൽ നിന്നും യൂടിലിറ്റിയുടെ മുകൾ ഭാഗത്തുവരുന്ന ഏരിയായിൽ വേണമെങ്കിൽ ഒരു ബാൽക്കണികൂടെ നൽകാവുന്നതാണ്‌) ഫാമിലി ലിവിങ്ങിൽ നിന്നും പുറകുവശത്തെ ഓപ്പൺ ടെറസ്സിലേക്ക്‌ കടക്കുന്നിടത്തെ വാതിൽ പുറത്തേക്കാണ്‌ തുറക്കുന്നത്‌.ഇത്‌ പ്രത്യേകരീതിയിൽ സുരക്ഷാക്രമീകരണങ്ങളോടെ ചെയ്യണം,മാത്രമല്ല താഴ ഫ്ലോറിൽ നിന്നും പത്ത്‌ സെന്റീമീരറ്റർ ഉയർത്തി അവിടെ കോൺക്രീറ്റ്കൊണ്ട്‌ ഒരു പടി വക്കുന്നത്‌ മഴവെള്ളം അകത്തെക്ക്‌ അടിച്ചുകയറാതിരിക്കുവാൻ ഉപകരിക്കും.

ഇരുനിലകളിലുമായി കാർപ്പോർച്ചടക്കം ഏകദേശം 2374 ചതുരശ്രയടിയാണ്‌ ഏരിയ.

4 comments:

paarppidam said...

കാലാവസ്ഥയിൽ വലിയ വ്യതിയാനം സംഭവിക്കുന്ന ഒരു കാലഘട്ടത്തിൽ വീടുപണിയുമ്പോൾ അത്‌ ചെറുതായാലും വലുതായാലും വാസ്തുവിന്റെ ചിട്ടകൾക്കും അളവുകൾക്കും അപ്പുറം കാറ്റും വെളിച്ചവും യഥേടം കടന്നുവരിക,ഉള്ള സ്ഥലം പരമാവധിപ്രയോജനപ്പെടുത്തുക എന്നതായിരിക്കണം പ്രാധാന്യം നൽകേണ്ടത്‌.

krish | കൃഷ് said...

:)

abey e mathews said...

hostmeonweb.com

register a domain for your blog.
no need to buy hosting space.just connect to blogspot blog.

കേരളവില്ലകള്‍-Keralavillas said...

Nice !

E-pathram

ePathram.com