Sunday, July 26, 2009

ധീരജവാന്മാർക്ക്‌ അഭിവാദ്യങ്ങൾ.

പിറന്ന മണ്ണിന്റെ സംരക്ഷണത്തിനായി കാർഗിലിൽ പൊരുതി വീരമൃത്യുവരിച്ച ജവാന്മാർക്ക്‌‌ ആദരാഞ്ജലികളും,ഒപ്പം ഇന്ത്യയുടെ അഭിമാനം ഉയർത്തിപ്പിടിച്ച വീരന്മാരായ ജവാന്മാർക്ക്‌ ഒരിക്കൽ കൂടെ അഭിവാദ്യങ്ങൾ.മത തീവ്രവാദത്തിന്റെ കടുത്ത യാദാർത്ഥ്യങ്ങളിലൂടെ കടന്നുപോകുന്ന നമ്മുടെ നാടിനെയും അവിടത്തെ ജനതയേയും തീവ്രവദികളിൽ നിന്നും ശത്രുക്കളിൽനിന്നും രക്ഷിക്കുവാൻ ജീവൻ ബലിനൽകുവാൻ തയ്യാറി പൊരുതുന്ന ഓരോ പട്ടാളക്കാരനും കുടുമ്പത്തിനും ഒപ്പം ആകണം ഓരോ ഭാരതീയരും.

സമൂഹത്തിൽ ബോംബ്‌ സ്ഫോടനം നടത്തിയും കൂട്ടക്കുരുതിനടത്തിയും അരക്ഷിതാവസ്ഥ സൃഷ്ടിക്കുന്ന മത തീവ്രവാദിയുടെ മനുഷ്യാവകാശത്തെ കുറിച്ചു സംസാരിക്കുന്ന ഒറ്റുകാർക്കൊപ്പം ഇടം കണ്ടെത്തുവാൻ രാജ്യസ്നേഹമുള്ള ഒരു പൗരനും ആകില്ല. മനുഷ്യാവകാശമെന്നത്‌ സമാധാനപരമായ ജീവിതം നയിക്കുന്ന മനുഷ്യനു മാത്രം അവകശപ്പെട്ടതാണ്‌ അല്ലാതെ കൊടും പാതകം ചെയ്യുന്ന ഭീകരന്മാർക്കും അവരുടെ പിണിയാളുകൾക്കും അവകാശപ്പെട്ടതല്ല.

അഭിവാദ്യങ്ങളോടെ.

No comments:

E-pathram

ePathram.com