Friday, September 28, 2007

മണല്‍കിട്ടാക്കനിയാകുമ്പോള്

‍കേരളത്തിലെ നിര്‍മ്മാണ മേഘല അഭിമുഖീകരിച്ചുകൊണ്ടിരിക്കുന്ന ഒരു പ്രധാന പ്രതിസന്ധി മണലിന്റെ ലഭ്യതയിലുള്ള കുറവാണ്‌. ദിനം തോറും നിരവധി വമ്പന്‍ പ്രൊജക്ടുകള്‍ പ്രഖ്യാപിക്കുന്ന സംസ്ഥാനത്ത്‌ അതിനാവശ്യമായ മണല്‍ കണ്ടെത്തുക വളരെ വിഷമകരമാണ്‌. ഇതിനുപകരം വെക്കാവുന്ന ഒരു മെറ്റീരിയല്‍ ഇനിയും പ്രായോഗികതലത്തില്‍ കണ്ടെത്തിയിട്ടില്ല അല്ലെങ്കില്‍ വേണ്ടത്ര പ്രചാരത്തില്‍ വന്നിട്ടില്ല.ഇതിനിടയില്‍ കരമണലും തമിഴ്‌നാട്ടില്‍ നിന്നും ഇറക്കുമതി ചെയ്ത "കാവേരി"മണലും വ്യാപകമായി ഉപയോഗിക്കുവാന്‍ തുടങ്ങി. ഇതോടെ പലകെട്ടിടങ്ങളുടേയും കൂടപ്പിറപ്പായിമാറി വര്‍ഷക്കാലത്തെ ചോര്‍ച്ച.ആദ്യം തന്നെ ഇതു ശ്രദ്ധിച്ചില്ലെങ്കില്‍ നാലോ അഞ്ചോ വര്‍ഷത്തിനുള്ളില്‍ കോണ്‍ക്രീറ്റിനുള്ളിലെ സ്റ്റീല്‍ "കമ്പി" മുഴുവന്‍ തുരുമ്പുപിടിക്കുവാനും തുടങ്ങും. ലക്ഷങ്ങള്‍ ചിലവാക്കി നിര്‍മ്മിക്കുന്ന കോണ്‍ക്രീറ്റ്‌ കെട്ടിടങ്ങള്‍ കേവലം നാലോ അഞ്ചോ വര്‍ഷത്തിനുള്ളില്‍ ഉപയോഗശൂന്യമാകും.

ഈ അടുത്ത ദിവസം പത്രത്തില്‍ വാര്‍ത്തയുണ്ടായിരുന്നു പഞ്ചായത്തില്‍ നിന്നും ലഭിക്കുന്ന കെട്ടിടനിര്‍മ്മാണാനുമതിയും തിരിച്ചറിയല്‍ കാര്‍ഡും മറ്റും വില്ലേജില്‍ ഹാജരാക്കിയാല്‍ കെട്ടിടത്തിന്റെ വലിപ്പത്തിനനുസരിച്ച്‌ അളവുനിശ്ചയിച്ച്‌ ഭാരതപ്പുഴയില്‍ നിന്നും മണല്‍ ലഭിക്കുന്നതിനുള്ള പാസ്സിനുള്ള അനുമതി ലഭിക്കും. എതുമായി തലപ്പിള്ളിതാലൂക്ക്‌ ഓഫീസില്‍ പോയാല്‍ അവിടെ നിന്നും മണലിനുള്ള പാസ്സ്‌ ലഭിക്കും(ഇതാണ്‌ ഈ സംഗതിയെപറ്റി എനിക്കുള്ള അറിവ്‌) ഇവിടെ ജനങ്ങള്‍ക്ക്‌ പ്രത്യേകിച്ചും ഭര്‍ത്താക്കാന്മാര്‍ നാട്ടില്‍ ഇല്ലാതെ സ്ത്രീകള്‍ മാത്രം ഉള്ള വീട്ടില്‍ (പ്രവാസികളാണിതില്‍ കൂടുതല്‍ ബുദ്ധിമുട്ട്‌ അനുഭവിക്കുക) ഇതെത്രമാത്രം പ്രായോഗികമാകും എന്ന് സംശയമാണ്‌. വില്ലേജില്‍ നിന്നും എടുക്കുന്ന പാസ്സില്‍ തലപ്പിള്ളിയിലോ മറ്റ്‌ ഏതെങ്കിലും താലൂക്കുകളിലോ പോയി മണല്‍ കളക്ടുചെയ്യുവാന്‍ ഒരു നോമിനിയെ ഏര്‍പ്പെടുത്തുവാന്‍ ഉള്ള സൗകര്യം കൂടെ അധികൃതര്‍ ചെയ്തുകൊടുത്തില്ലെങ്കില്‍ പലര്‍ക്കും ഇതുകൊണ്ടുള്ള പ്രയോജനം ലഭിക്കാതെ പോകും.

വാല്‍മൊഴി: ഇനിയിപ്പോ മണലെടുക്കുവാനുള്ള പെര്‍മിറ്റ്‌ വീട്ടുകാര്‍ക്ക്‌ ലഭിച്ചാല്‍ ഇടനിലക്കാരും മറ്റും തട്ടിയെടുത്ത്‌ ദുരുപയോഗം ചെയ്യുവാനുള്ള സാധ്യത വളരെ കൂടുതല്‍ ആണ്‌.

1 comment:

KANNURAN - കണ്ണൂരാന്‍ said...

ക്രഷറുകളില്‍ ബാക്കിയാവുന്ന പൊടി ഒരു പരിധിവരെ മണലിനു ബദലായി ഉപയോഗിക്കാം, ഒരു പരിധിവരെ മാത്രം. എന്റെ വീട് നിര്‍മ്മിക്കുവാന്‍ മണലിന്റെ കൂടെ ഈ പൊടി ചേര്‍ത്തിരുന്നു. കമന്റിലെ വേഡ് വെരിഫിക്കേഷന്‍ ആവശ്യമുണ്ടോ??

E-pathram

ePathram.com