Friday, May 18, 2007

പ്ലാന്‍ -10






രണ്ടുനിലകളിലായി GF 1395+ FF 795= 2190 ചതുരശ്ര അടി(203.53 മീറ്റര്‍ സ്ക്വയര്‍) വിസ്തീര്‍ണ്ണമുള്ള വീടിന്റെ പ്ലാന്‍.പ്രധാന വാതില്‍ കിഴക്കോട്ടു തുറക്കുന്ന ഈ വീടിന്റെ വടക്കു കിഴക്ക്‌ മൂലയില്‍ അടുക്കള കൊടുത്തിരിക്കുന്നു. ഇതിന്റെ മാത്രം അളവ്‌ വാസ്തു പ്രകാരം ആണ്‌. വാഷിങ്ങ്‌ മെഷീന്‌ അടുക്കളയില്‍ തന്നെ ഇടം കണ്ടെത്തിയിരിക്കുന്നു. ഇത്‌ സ്ത്രീകള്‍ക്ക്‌ അടുക്കളയിലെ ജോലികള്‍ക്കിടയില്‍ തന്നെ തുണികഴുകലും നടത്തുവാന്‍ സഹായകമാണ്‌.കിച്ചണിലെ വിന്റോകള്‍ വര്‍ക്കിങ്ങ്‌ സ്ലാബില്‍ നിന്നും 30-40 സെന്റീമീറ്റര്‍ ഉയരത്തില്‍കൊടുക്കേണ്ടതാണ്‌.




സ്റ്റെയര്‍ കേസില്‍ വലിയ ജനലുകള്‍ നല്‍കിയാല്‍ ഡൈനിംഗ്‌ റൂമിലേക്കും മുകളിലെ ഫാമിലി ലിവിങ്ങിലേക്കും ധാരാളം വെളിച്ചവും വായുവും ലഭിക്കുവാന്‍ സഹായകമാണ്‌.മുകള്‍ നിലയില്‍ ഒരു കോമ്മണ്‍ ടോയ്‌ലറ്റ്‌ മാത്രമേ ഉള്ളൂ.(ഏകദേശം 50000 രൂപയോളമാണ്‌ ഒരു റ്റോയ്‌ലറ്റിന്റെ നിര്‍മ്മാണ ചിലവ്‌.)ഇനി മുകളില്‍ ഒരു അറ്റാച്ഡും കോമ്മണും ആയി നല്‍കുവാന്‍ മുകളില്‍ കൊടുത്തിട്ടുള്ള ടോയ്‌ലറ്റിന്റെ നീളം അല്‍പ്പ്ം കൂടെ നീട്ടിയെടുത്ത്‌ രണ്ടായി ഭാഗിച്ചാല്‍ മതിയാകും. താഴത്തെ ടൊയ്‌ലറ്റുകള്‍ ഫ്ലോര്‍ ലെവലില്‍ നിന്നും 10 സെന്റീ മീറ്റര്‍ താഴ്ത്തിക്കൊടുത്താല്‍ കൂടുതല്‍ നന്ന്.




മുകള്‍ നിലയില്‍ മുന്‍ വശത്തെ ബെഡ്രൂമിനു പകരം താഴത്തെ ബെഡ്രൂം No-1 നുമുകളില്‍ ബെഡ്രൂം പണിയാവുന്നതാണ്‌.ഇനിയഥവാ മുകളില്‍ ഒരു ബെഡ്രൂം മാത്രമേ എടുക്കുന്നുള്ളൂ എങ്കില്‍ രണ്ടായിരം ചതുരശ്ര അടിയില്‍ താഴയേ ഈ വീടിനു വലിപ്പം വരൂ.ചിലവിനെകുറിച്ചാണെങ്കില്‍ ചതുരശ്ര അടിക്ക്‌ ശരാശരി 600-650 ഉം അതിനു മുകളിലുമാണ്‌ വരുന്നത്‌. ഉപയോഗിക്കുന്ന മെറ്റീരിയല്‍സിനനുസരിച്ച്‌ ഇതില്‍ വ്യത്യാസം വരാം.

2 comments:

paarppidam said...

പാര്‍പ്പിടത്തില്‍ പുതിയ പോസ്റ്റുണ്ടേ!


2190 ചതുരശ്ര അടിയുള്ള ഒരു വീടിന്റെ പ്ലാന്‍.വിന്റോകളു
ടെ വലിപ്പം മാര്‍ക്കുചെയ്യുവാന്‍ വിട്ടുപോയിരിക്കുന്നു.

വിമര്‍ശനവും അഭിപ്രായവും അറിയുവാന്‍ താല്‍പര്യം ഉണ്ട്‌.

സുനീഷ് തോമസ് / SUNISH THOMAS said...

njan aduthayide puthiya veedu vachu poyi. anyway i well convey it to my friens

E-pathram

ePathram.com