Sunday, December 24, 2006

ക്രിസ്തുമസ്സ്‌ ആശംസകള്‍!

ശാന്തിയുടേയും സമാധാനത്തിന്റേയും ദൂതനായ ഉണ്ണിയേശുവിന്റെ തിരുപിറവി ലോകമെങ്ങും ആഘോഷിക്കുന്ന ഈ വേളയില്‍ എല്ലാ വായനക്കാര്‍ക്കും എന്റെ ക്രിസ്തുമസ്സ്‌ ആശംസകള്‍!

Tuesday, December 19, 2006

വാസ്തു:-ഖണ്ഡങ്ങളും വീഥികളും.


ഒരു സ്ഥലത്തു കെട്ടിടം നിര്‍മ്മിക്കുമ്പോള്‍ അതിന്റെ ഏതുഭാഗത്തു കെട്ടിടം വരണമെന്നും അതിനു പാലിക്കേണ്ട ചില അടിസ്ഥാനതത്വങ്ങളെക്കുറിച്ചും വാസ്തുശാസ്ത്രം നിഷ്ക്കര്‍ഷിക്കുന്നുണ്ട്‌.അതില്‍ പ്രധാനപ്പെട്ടതാണ്‌ ഖണ്ഡങ്ങളും വീഥികളും.

കെട്ടിടം നിര്‍മ്മിക്കുവാന്‍ ഉദ്ദേശിക്കുന്ന സ്ഥലത്തിന്റെ മദ്ധ്യത്തില്‍ നിന്നും തെക്കുവടക്കും കിഴക്കുപടിഞ്ഞാറുമായി നാലു ഭാഗം (ഖണ്ഡം) ആക്കി തിരിക്കുക.ഇതില്‍ വടക്കുകിഴക്ക്‌ ഭാഗത്തെ ഈശാന ഖണ്ഡമെന്നും,തെക്കുപടിഞ്ഞാറു ഭാഗത്തെ നിര്യതിഖണ്ഡമെന്നും പറയും. ഇവരണ്ടും കെട്ടിടനിര്‍മ്മാണത്തിനു ഉത്തമമാണ്‌. തെക്കുകിഴക്ക്‌ ഭാഗത്തുവരുന്ന അഗ്നിഖണ്ഡവും വടക്കുപടിഞ്ഞാറുഭാഗത്ത്‌ വരുന്ന വായുഖണ്ഡവും കെട്ടിടനിര്‍മ്മാണത്തിനു വര്‍ജ്ജ്യമാണ്‌.

വീഥികള്‍:
വാസ്തുപ്രകാരം ഒമ്പതു വീഥികള്‍ ആണ്‌ നിര്‍ണ്ണയിച്ചിട്ടുള്ളത്‌.ഒരു സ്ഥലത്തിന്റെ തെക്കുവടക്കും കിഴക്കുപടിഞ്ഞാറും പതിനെട്ടു തുല്യഭാഗങ്ങളായി വിഭജിക്കുക. ഇപ്രകാരം ചെയ്താല്‍ പതിനെട്ട്‌ കള്ളികള്‍ ലഭിക്കും, ഇനി പുറത്തെകള്ളിയില്‍ നിന്നും മധ്യത്തിലുള്ള കള്ളിയിലുള്ള ഒമ്പതു ഭാഗങ്ങളെ ഇപ്രകാരം പറയുന്നു.

1.പിശാചുവീഥി
2.ദേവവീഥി
3.വൈശ്രവണവീഥി
4.യമവീഥി
5.നാഗവീഥി
6.ജലവീഥി
7.അഗ്നിവീഥി
8.ഗണേശവീഥി
9.ബ്രഹ്മവീഥി

ഇപ്രകാരം ഒമ്പതായി തിരിച്ച വീഥിയില്‍ ഗൃഹം നിര്‍മ്മിക്കുവാന്‍ ഉത്തമം ദേവവീഥി,വൈശ്രവണവീഥി,ജലവീഥി,ഗണേശവീഥി,ബ്രഹ്മവീഥി എന്നിവ ഉത്തമവും,പിശാചുവീഥി,അഗ്നിവീഥി,നാഗവീഥി,യമവീഥി എന്നിവ അശുഭവും ആകുന്നു.

ഇവിടെ കൊടുത്തിട്ടുള്ള ചിത്രത്തില്‍ 1 പിശാചുവീഥിയായും തുറ്റാര്‍ന്നു ഒമ്പതുവരെ യഥാക്രമം ദേവവീഥി തുടങ്ങി 9 ബ്രഹ്മവീഥിയില്‍ എത്തിനില്‍ക്കുന്നു. വെളുപ്പുനിറം വരുന്ന വീഥികള്‍ ഗൃഹനിര്‍മ്മാണത്തിനു ഉത്തമമായ വീഥികളെ കാണിക്കുന്നു.

വാസ്തു:-ദിക്കുകള്‍

കെട്ടിടനിര്‍മ്മാണത്തിനു ദിക്കുകള്‍ തിരഞ്ഞെടുക്കുന്നതില്‍ വാസ്തുശാസ്ത്രം വളരെയധികം പ്രാധാന്യം കല്‍പ്പിക്കുന്നുണ്ട്‌.കിഴക്ക്‌,തെക്ക്‌,പടിഞ്ഞാറ്‌,വടക്ക്‌ എന്നീ ദിശകള്‍ക്കഭിമുഖമായി മാത്രമേ വാസ്തുശാസ്ത്രപ്രകാരം കെട്ടിടം നിര്‍മ്മിക്കുവാന്‍ പാടുള്ളൂ എന്ന് നിഷ്കര്‍ഷിക്കുന്നു.കിഴക്ക്‌,തെക്ക്‌,പടിഞ്ഞാറ്‌,വടക്ക്‌ എന്നിവകൂടാതെ തെക്കുകിഴക്ക്‌,തെക്കുപടിഞ്ഞാറ്‌,വടക്കുപടിഞ്ഞറ്‌,വടക്കുകിഴക്ക്‌ എന്നിന്നിവചേര്‍ത്ത്‌ അഷ്ടദിക്കുകള്‍ എന്ന് പറയുന്നു.

അഷ്ടദിക്കുകളും അവയുടെ അധിപന്മാരായ ദേവന്മാരും.

കിഴക്ക്‌- ഇന്ദ്രന്‍
തെക്ക്‌- യമന്‍
പടിഞ്ഞാറ്‌- വരുണന്‍
വടക്ക്‌- കുബേരന്‍

വടക്കുകിഴക്ക്‌- ഈശ്വന്‍ (ഈശ്വാനകോണ്‍)
തെക്കുകിഴക്ക്‌- അഗ്നി(അഗ്നികോണ്‍)
തെക്കുപടിഞ്ഞാറ്‌- നിര്യതി(നിര്യതികോണ്‍)
വടക്കുപടിഞ്ഞാറ്‌- വായു(വായുകോണ്‍)

മധ്യഭാഗത്തെ ബ്രഹ്മസ്ഥാനം എന്നാണ്‌ പറയുക.

Sunday, December 17, 2006

വാസ്‌തുപുരുഷന്‍

പുരയിടത്തിന്റെ ബലത്തിനും സന്തോഷത്തിനും കാരകനായ ദേവതയാണ്‌ വാസ്‌തുപുരുഷന്‍. ബൃഹത്സംഹിതയില്‍ വാസ്‌തുപുരുഷനെക്കുറിച്ച്‌ ഇങ്ങനെ പറയുന്നു : ഭീമാകാരമായ ഒരു സത്വം അതിന്റെ ഉടലുകൊണ്ട്‌ ആകാശത്തിനും ഭൂമിയ്ക്കും തടസ്സം സൃഷ്ടിച്ചു. ദേവന്മാര്‍ ആ സത്വത്തെ നിലത്തോടു ചേര്‍ത്ത്‌ കമഴ്ത്തിപ്പിടിച്ചു. ഓരോ അവയവത്തെയും പിടിച്ചിരുന്ന ദേവന്മാര്‍ തന്നെ അതാത്‌ അവയവത്തിന്റെ അധിദേവതമാരായി. പുരയിടത്തിന്റെ (വീടിന്റെ) അധിദേവതയായിരിക്കുവാന്‍ ആ സത്വത്തെത്തന്നെ ബ്രഹ്‌മാവ്‌ നിയോഗിച്ചു.
കഥയുടെ മറ്റൊരു രൂപം ഇങ്ങനെയാണ്‌ : അന്ധകനെന്ന അസുരനുമായി പൊരുതിയ ഭഗവാന്‍ ശിവന്റെ വിയര്‍പ്പുതുള്ളി നിലത്തുവീണു. അതില്‍ നിന്നാണ്‌ വാസ്‌തുപുരുഷന്‍ ജനിച്ചത്‌. വിശപ്പു സഹിക്കാനാവാതെ വാസ്‌തുപുരുഷന്‍ കണ്ണില്‍ കണ്ടതിനെയെല്ലാം വിഴുങ്ങാന്‍ തുടങ്ങി. ദേവന്മാര്‍ ബ്രഹ്‌മാവിനോടു പരാതി പറന്‍ഞ്ഞു. അവനെ നിലത്തോടു ചേര്‍ത്ത്‌ അമര്‍ത്തിപ്പിടിക്കാന്‍ ബ്രഹ്‌മാവ്‌ ഉപദേശിച്ചു. 45 ദേവന്മാര്‍ ചേര്‍ന്ന് വാസ്‌തു പുരുഷനെ അമര്‍ത്തിപ്പിടിച്ചു. എല്ലാ പുരയിടങ്ങളുടെയും അധിപതിയും അവിടെ നടക്കുന്ന എല്ലാ പൂജകളുടെയും അവകാശിയും വാസ്‌തുപുരുഷനാണെന്ന് ബ്രഹ്മാവ്‌ അനുഗ്രഹിച്ചു. അതിനുപകരം വീട്ടില്‍ പാര്‍ക്കുന്നവരുടെ ക്ഷേമം വാസ്‌തുപുരുഷന്റെ കുമതലയായി.

വാസ്‌തുപുരുഷന്‌ മൂന്നു സ്ഥാനങ്ങളുള്ളതായി പറയപ്പെടുന്നു
1. നിത്യവാസ്‌തു : വാസ്‌തുപുരുഷന്റെ നോട്ടം ഓരോ ദിവസവും മൂന്നു മണിക്കൂര്‍ ഇടവിട്ട്‌ മാറിക്കൊണ്ടിരിക്കുന്നു.
2. ചരവാസ്‌തു : വാസ്‌തു പുരുഷന്റെ നോട്ടം - സെപ്‌റ്റംബര്‍, ഒക്ടോബര്‍, നവംബര്‍, ഡിസംബര്‍ മാസങ്ങളില്‍ തെക്കു ദിക്കിലോട്ടും ഡിസംബര്‍, ജനുവരി, ഫെബ്രുവരി മാസങ്ങളില്‍ പടിഞ്ഞാറു ദിക്കിലോട്ടും മാര്‍ച്ച്‌ ഏപ്രില്‍ മെയ്‌ ജൂണ്‍ മാസങ്ങളില്‍ വടക്കു ദിക്കിലേക്കും ജൂണ്‍ ജൂലൈ ആഗസ്റ്റ്‌ മാസങ്ങളില്‍ കിഴക്കുദിക്കിലേക്കും ആയിരിക്കും. (യഥാര്‍ത്ഥത്തില്‍ ശകവര്‍ഷത്തിലാണ്‌ ഈ ദിശമാറ്റം സൂചിപ്പിച്ചിരിക്കുന്നത്‌ എന്നതുകൊണ്ടാണ്‌ ഇംഗ്ലീഷ്‌ വര്‍ഷത്തിലെ ചില മാസങ്ങളില്‍ രണ്ടു ദിശ വരുന്നത്‌) വാസ്‌തു പുരുഷന്റെ സ്ഥാനത്തിലുണ്ടാകുന്ന മാറ്റം, കാലാവസ്‌ഥയിലുണ്ടാകുന്ന മാറ്റവുമായി ബന്ധപ്പെട്ടിരിക്കുന്നു.
3. വാസ്‌തു പുരുഷന്റെ സ്ഥിരവും ഏറ്റവും പ്രധാനവുമായ സ്ഥാനമാണ്‌ താഴെ കൊടുത്തിരിക്കുന്നത്‌:ഇവിടെ കാലുകള്‍ തെക്കുപടിഞ്ഞാറും ഇടതുകൈ വടക്കുപടിഞ്ഞാറും ശിരസ്സ്‌ വടക്കുകിഴക്കും വലതുകൈ തെക്കുകിഴക്കുമാണ്‌. ഈ സ്ഥാനം സ്ഥിരമായതിനാല്‍ പാര്‍പ്പിടത്തിന്റെ നിര്‍മ്മാണവും അവയുടെ ഉറപ്പും ഇതുമായി ബന്ധപ്പെട്ടിരിക്കുന്നു.

പാര്‍പ്പിടത്തിന്റെ ആകൃതിയും വാസ്‌തുപുരുഷന്റെ സ്ഥാനവും ബന്ധപ്പെടുത്തി ജീവിതത്തില്‍ ക്ഷേമാീശ്വര്യങ്ങള്‍ക്കും കഷ്ടപ്പാടുകള്‍ക്കും സാധ്യതയുണ്ട്‌ എന്ന് ബ്രഹത്സംഹിത പറയുന്നു. ക്രമരഹിതമായ ആകൃതി ഒരു കെട്ടിടത്തിന്‌ പാടില്ല എന്നാണ്‌ ഇതുകൊണ്ട്‌ അര്‍ത്ഥമാക്കുന്നത്‌. ഇതനുസരിച്ച്‌ വാസ്തുപുരുഷന്റെ തലഭാഗം വരുന്ന വടക്ക്‌ കിഴക്കുഭാഗത്തെ മൂലയും പാദം വരുന്ന തെക്കുപടിഞ്ഞാറുംഭാഗവും ഒഴിഞ്ഞുകിടക്കരുത്‌.(കോര്‍ണ്ണര്‍ കട്ടുചെയ്തുപോകരുത്‌)തെക്കുകിശ്ക്കും വടക്കുപടിഞ്ഞാറും ഭാഗത്തിനും ഈ നിയമം ബാധകമാണെങ്കിലും തലഭാഗത്തിനും പാദഭാഗത്തിനും കൂടുതല്‍ പ്രാദാന്യം എന്ന് വിദഗ്ദമതം.

ചിത്രമടക്കം കൂടുതല്‍ വിശദമായി എഴുതുന്നതാണ്‌.

*വാസ്തുസംബന്ധമായി എഴുതുന്ന കാര്യങ്ങള്‍ അന്ധവിശ്വാസങ്ങള്‍ പ്രചരിപ്പിക്കുവാനോ മറ്റോ അല്ല. പലകാര്യങ്ങളും ഇന്നത്തെ ആധുനിക സംവിധാനങ്ങളുമായും നിര്‍മ്മാണരീതികളുമായും യോജിച്ച്‌ പോകുന്നവയും അല്ല.

Saturday, December 02, 2006

പ്ലാന്‍-6




കാര്‍പോര്‍ച്ച്‌ കൂടാതെ 1430 ചതുരശ്ര അടി വിസ്തീര്‍ണ്ണമുള്ള ഒരു വീടിന്റെ പ്ലാനാണിത്‌. വരുന്ന അതിഥികളെ ആദ്യം കടന്നുവരുന്നത്‌ ഒരു ഫോയറിലേക്കാണ്‌. ഇവിടെ നാലുപേര്‍ക്കിരിക്കുവാനുള്ള സൗകര്യം ഒരുക്കിയിരിക്കുന്നു.ലിവിങ്ങിനും ഡൈനിങ്ങിനും ഇടയിലുള്ള കോര്‍ട്ട്‌ യാര്‍ഡ്‌ ചെടികളും മറ്റും വച്ച്‌ ആകര്‍ഷകമാക്കാവുന്നതാണ്‌.ഇതിന്റെ മുകള്‍ഭാഗം ആകാശത്തേക്ക്‌ തുറക്കുന്നു എങ്കിലും ആവശ്യമായ സുരക്ഷാ ക്രമീകരണങ്ങള്‍ കൊടുക്കണം.മുകള്‍ നിലയില്‍താഴത്തെ ബെഡ്രൂമുകള്‍ക്കു മുകളിലോ കിച്ചണിനു മുകളിലോ ആവശ്യാനുസരണം മുറികള്‍ എടുക്കാവുന്നതാണ്‌. ഈ വീടിന്റെ വടക്ക കിഴക്കിഴക്ക്‌ ഭാഗത്ത്‌ അടുക്കള സ്തിതി ചെയ്യുന്നു.

ക്ഷേത്രങ്ങളും വാസ്തുപ്രകാരമുള്ള ഗൃഹനിര്‍മ്മാണവും.

ഹൈന്ദവ വിശ്വാസപ്രകാരം വിവിധ ദേവന്മാരും/ദേവതകളും അവര്‍ക്കൊക്കെ ക്ഷേത്രങ്ങളും നാടിന്റെ വിവിധ ഭാഗങ്ങളില്‍ ഉണ്ട്‌.ആചാരങ്ങളും വിശ്വാസങ്ങളുമായി ബന്ധപ്പെട്ട്‌ ജീവിക്കുന്നവര്‍ സ്വാഭാവികമായും ഗൃഹം നിര്‍മ്മിക്കുമ്പോളും ഇത്തരം കാര്യങ്ങള്‍ ശ്രദ്ധിക്കാറുണ്ട്‌. വാസ്തു ശാസ്ത്ര പ്രകാരം ഗൃഹം നിര്‍മ്മിക്കുന്ന സ്ഥലം ക്ഷേത്രത്തിന്റെ ഏതു വശത്തു വരുന്നു എന്നതിനു വളരെയധികം പ്രാധാന്യം നല്‍കുന്നുണ്ട്‌.ക്ഷേത്രങ്ങളിലെ തന്ത്രിമാര്‍ പൂജചെയ്യുന്ന ശാന്തിമാര്‍ എന്നിവര്‍ക്ക്‌ ക്ഷേത്രങ്ങളുടെ സമീപത്തും ദിഗ്‌ വ്യത്യാസമില്ലതെയും ഗൃഹം നിര്‍മ്മിക്കാം. എന്നാല്‍ സാധാരണക്കാര്‍ക്ക്ഷേത്രങ്ങളുടെ സമീപത്ത്‌ ഗ്രഹങ്ങള്‍ നിര്‍മ്മിക്കുമ്പോള്‍ വാസ്തു ശാസ്ത്രപ്രകാരം ശ്രദ്ധിക്കേണ്ട കാര്യങ്ങള്‍.

ക്ഷേത്രങ്ങളേക്കാള്‍ ഉയരത്തില്‍ ഗൃഹങ്ങള്‍ നിര്‍മ്മിക്കുന്നത്‌ ശുഭമല്ല.ഉഗ്രമൂര്‍ത്തികളായ ഭദ്രകാളി,ചാത്തന്‍,നരസിംഹം,ശിവന്‍ തുടങ്ങിയ ഉഗ്രമൂത്തികളുടെ വലത്തുവശത്തും മുമ്പിലും വീടുപണിയുന്നത്‌ ശുഭമല്ല.വിഷ്ണു,അയ്യപ്പന്‍,സുബ്രമണ്യന്‍ തുടങ്ങിയ സൗമ്യമൂര്‍ത്തികളായ ദേവന്മാരുടെ വലത്തും മുമ്പിലും ഉത്തമവും ഇടത്തും പിന്നിലും അധമവും ആകുന്നു. ഇതില്‍ തന്നെ അയ്യപ്പന്റെ ക്ഷേത്രം വീടിനേക്കാള്‍ താഴ്‌ന്നാണിരിക്കുന്നെങ്കില്‍ അത്‌ ഉഗ്രമൂര്‍ത്തിയായിട്ടാണ്‌ കരുതപ്പെടുന്നത്‌.

പൂജാവിധികള്‍ മുടങ്ങിക്കിടക്കുന്ന സര്‍പ്പക്കാവ്‌,ഗുളികന്‍, യക്ഷി/ഗന്ധര്‍വ്വന്മാരെ കുടിയിരുത്തിയിട്ടുള്ള പാലകള്‍ ഉള്ള സ്ഥലം എന്നിവയും ഒഴിവാക്കുന്നതാണ്‌ നല്ലത്‌.വീടിനകത്തോ വീടിനോട്‌ ചേര്‍ന്നോ പൂജാമുറികള്‍/ക്ഷേത്രങ്ങള്‍ പണിയുമ്പോള്‍ ശ്രദ്ധിക്കുക യഥാവിധി പൂജാവിധികളും ശുദ്ധിയും നടത്തുവാന്‍ കഴിയില്ലെങ്കില്‍ ഇത്തരം കാര്യങ്ങള്‍ക്ക്‌ മുതിരരുത്‌.


*അന്ധവിശ്വാസം പ്രചരിപ്പിക്കുവാനുള്ള ശ്രമമല്ല, കൂടാതെ ഇത്‌ വാസ്തു ശാസ്ത്രഗ്രന്ഥങ്ങളില്‍ പരാമര്‍ശിച്ചിട്ടുള്ള കാര്യങ്ങള്‍ പ്രസിദ്ധീകരിക്കുന്നു.

Saturday, November 11, 2006

പഠനമുറി.

കുട്ടികളുടെ വിദ്യാഭ്യാസകാര്യത്തില്‍ മുന്‍പില്ലാത്തവിധം മാതാപിതാക്കള്‍ ശ്രദ്ധചലുത്തുന്ന കാലമാണല്ലോ ഇത്‌. സ്വാഭാവികമായും അതിനായി പണം ചിലവിടുവാനും യാതൊരു മടിയും കാണിക്കാറില്ല. ടി.വി, അദിഥിതികള്‍ മറ്റു കുടുമ്പാംഗങ്ങള്‍ എന്നിവരുടെ ഇടപെടല്‍ ഇല്ലാതെ കുട്ടികള്‍ക്ക്‌ സ്വസ്ഥമായി പഠിക്കുവാന്‍ സൗകര്യം ഒരുക്കുക എന്ന ഉദ്ദേശ്യത്തില്‍ ഇന്നിപ്പോ മധ്യവര്‍ഗ്ഗത്തില്‍ പെട്ട കുടുമ്പങ്ങള്‍ പോലും വീടുപണിയുമ്പോള്‍ കുട്ടികളുടെ പഠനമുറി ഒരുക്കുവാന്‍ തുടങ്ങിയിരിക്കുന്നു.

പ്രധാനമായും ശ്രദ്ധിക്കേണ്ടത്‌ വേണ്ടത്ര വെളിച്ചവും വായുവും ലഭ്യമാകുക എന്നതാണ്‌. പിന്നെ മറ്റുള്ളവരുടെ ശ്രദ്ധ തീരെ എത്താത്ത വിധത്തില്‍ ആയിരിക്കുകയും അരുത്‌ ഈ മുറി.തീര്‍ച്ചയായും കുട്ടികള്‍ പഠനത്തില്‍ മുഴുകുന്നുണ്ടോ എന്ന് മാതാപിതാക്കള്‍ക്ക്‌ സാധിക്കണം. ഈ മുറിയില്‍ അവരുടെ പാഠ പുസ്തകങ്ങളും മറ്റും വെക്കുവാന്‍ സ്റ്റന്റുകള്‍, സ്റ്റഡിടേബിള്‍/ വര്‍ക്കിങ്ങ്‌ ടേബിള്‍ (പ്രൊജക്റ്റുകള്‍ തയ്യാറക്കുവാനുള്ള സൗകര്യം) എന്നിവ ക്രമീകരിക്കണം. കമ്പ്യൂട്ടര്‍ പ്രത്യേകം സ്റ്റാന്റില്‍ വെക്കുന്നതായിരിക്കും നല്ലത്‌, പലപ്പോഴും കുട്ടികളുടെ ശ്രദ്ധ കമ്പ്യൂട്ടറിലേക്ക്‌ മാറാന്‍ ഇടയുണ്ട്‌. കുട്ടികളുടെ പഠനമുറിയില്‍ വിവിധ ചാര്‍ട്ടുകള്‍ ചുമരില്‍ ക്രമീകരിക്കാം. ഫോര്‍മുലകളും പുതിയവാക്കുകളും കണ്ണെത്തുന്നിടത്ത്‌ എഴുതി പതിപ്പിക്കുന്നത്‌ ഇടക്കിടെ ഓര്‍മ്മപുതുക്കാന്‍ നല്ലതാണ്‌. ക്രിസ്റ്റലുകള്‍ വെക്കുന്നത്‌ ഊര്‍ജ്ജം ക്രമീകരിക്കുന്നതിനു നല്ലതാണെന്ന് ചിലര്‍ അഭിപ്രായപ്പെടുന്നുണ്ട്‌.

സെലിബ്രിറ്റീസിന്റെ ചിത്രങ്ങള്‍, Toys, കണ്ണാടികള്‍ എന്നിവ പഠനമുറിയില്‍ നിന്നും ഒഴിവാക്കെണ്ടതാണ്‌.വെളിച്ചം എപ്പോഴും ഇടതുവശത്തുനിന്നും വരുന്ന രീതിയില്‍ ആയിരിക്കണം ക്രമീകരിക്കേണ്ടത്‌. റ്റൂബ്‌ ലൈറ്റുകള്‍ ഉപയോഗിക്കുക. ഇളം നിറങ്ങള്‍ ചുവരുകളില്‍ നല്‍കുക. പരമാവധി വെളുത്ത നിറം.പഠനമുറി കിഴക്കുഭാഗത്തു വരുന്നതും കിഴക്കിനഭിമുഖമായിരിന്നു പഠിക്കുന്നതും നല്ലതാണെന്ന് പൂര്‍വ്വികര്‍ പറയാറുണ്ട്‌!

Monday, October 30, 2006

ഡൈനിങ്ങ്‌ റൂം.

കേവലം ഭക്ഷണം കഴിക്കുവാനുള്ള ഒരു ഇടം എന്നതില്‍ നിന്നും വീട്ടിലുള്ള അംഗങ്ങള്‍ക്ക്‌ ഒത്തുകൂടുവാനും സംസാരിക്കുവാനും ഉള്ള ഒരിടംകൂടിയാണ്‌ ഡൈനിങ്ങ്‌ റൂം.(ഫോര്‍മലായി സ്വീകരിക്കേണ്ട അതിഥികള്‍ ഇല്ലാത്തപ്പോള്‍ ലിവിങ്ങ്‌ റൂമിനേക്കാള്‍ കൂടുതല്‍ സാധാരണയായി വീട്ടിലെ അംഗങ്ങള്‍ കൂടുതലായും ഡൈനിങ്ങ്‌ റൂമിലാണ്‌ ഒത്തുകൂടുക)
ചില വീടുകള്‍ക്ക്‌ ഡൈനിങ്ങ്‌ ഹാളും ലിവിങ്ങും ഒറ്റ "ഹാള്‍" ആയിട്ടാണ്‌ നല്‍കാറുള്ളത്‌.ഇതിന്റെ ഇരുവശത്തുമായി മറ്റു മുറികള്‍ ക്രമീകരിക്കുന്നു. ഇത്‌ പലപ്പോഴും വീട്ടുകാരുടെ സ്വകാര്യതക്ക്‌ തടസ്സമാകാറുണ്ട്‌.1000 ചതുരശ്രയടിയില്‍ കൂടുതല്‍ വരുന്ന വീടുകള്‍ക്ക്‌ ലിവിങ്ങും ഡൈനിങ്ങും പ്രത്യേകം കൊടുക്കുന്നതായിരിക്കും നല്ലത്‌.

ഡൈനിങ്ങ്‌ റൂമില്‍ നിന്നും മറ്റു മുറികളിലേക്കുള്ള വാതിലുകള്‍ പരമാവധി സ്ഥലം നഷ്ട്ടപ്പെടാത്ത രീതിയില്‍ കൊടുക്കുവാന്‍ ശ്രദ്ധിക്കണം.( മൂന്നു മൂലകളിലും വാതില്‍ വന്നാല്‍ പലപ്പോഴും അത്‌ ഡൈനിങ്ങ്‌ റൂമിന്റെ സൗകര്യത്തെ കുറക്കും)

ടേബിള്‍ മധ്യഭാഗത്തിട്ടാല്‍ അതിനു ചുറ്റും നടക്കാനുള്ള സൗകര്യം ഉണ്ടായിരിക്കണം.

റ്റോയ്‌ലറ്റിന്റെ വാതില്‍ വാഷ്ബേസിന്‍ എന്നിവ നേരിട്ട്‌ ഡൈനിങ്ങ്‌ റൂമിലേക്ക്‌ വരത്തക്ക വിധം ആയിരിക്കരുത്‌. ഒരു ചെറിയ പോക്കറ്റ്‌ കൊടുക്കുക.

സ്റ്റൈയര്‍കേസ്‌ ഡൈനിങ്ങ്‌ റൂമില്‍ നിന്നും കൊടുക്കുമ്പോള്‍ അത്‌ ഒരു വിധത്തിലും ഡൈനിങ്ങ്‌ ടേബിളിന്റെ സൗകര്യത്തെ ബാധിക്കാത്തരീതിയില്‍ കൊടുക്കുക.
(ഇതോടൊപ്പം ഉള്ള ചിത്രത്തില്‍ നിന്നും ഒരു മോശം ഡൈനിങ്ങ്‌ റൂമിന്റെ അറേഞ്ച്‌മന്റ്‌ കാണാം)

ഭക്ഷണത്തിന്റെ മണം കെട്ടിനില്‍ക്കാതിരിക്കാന്‍ ഡൈനിങ്ങ്‌ റൂമില്‍ നല്ലവണ്ണം വെന്റിലേഷന്‍ ഉണ്ടായിരിക്കണം. ഒരു വശത്തെങ്കിലും നേരിട്ട്‌ പുറത്തേക്ക്‌ തുറക്കാവുന്ന വിന്റോകളോ അലെങ്കില്‍ കോര്‍ട്ട്‌ യാര്‍ഡോ നല്‍കണം.ഡബിള്‍ ഹൈറ്റും നല്‍കിയാല്‍ നന്നായിരിക്കും.

മുറിയുടെ ആകൃതി വലിപ്പം എന്നിവക്ക്‌ അനുസൃതമായ ടേബിളുകള്‍ തിരഞ്ഞെടുക്കുക. വളരെ വലിയ ടേബിളുകള്‍ ഒഴിവാക്കുക.

ചുമരുകളില്‍ മനോഹരമായ ചിത്രങ്ങള്‍ കൊടുക്കാം.

അടുക്കളക്കും ഡൈനിങ്ങ്‌ ഹാളിനും ഇടയില്‍ ഒരു പാണ്ട്രി സെറ്റുചെയ്യാം. അടുക്കളചുമരില്‍ ഒരു ചെറിയ ഓപ്പണിങ്ങ്‌ ഉണ്ടാക്കി ഒരു കിളിവാതില്‍ കൊടുത്ത്‌ അവിടെ നിന്നും ഭക്ഷണം സെര്‍വ്വ്‌ ചെയ്യുവാന്‍ സൗകര്യം കൊടുക്കാം.

ഇന്റീരിയര്‍ പ്ലന്റുകള്‍ വെക്കുന്നതും നന്നായിരിക്കും.

സ്ഥലപരിമിതിയുള്ളവര്‍ക്കും അണുകുടുമ്പങ്ങള്‍ക്കും ഓപ്പണ്‍ കിച്ചണ്‍ നല്‍കാം.അല്‍പ്പം സ്വതന്ത്ര ചിന്തയും വൃത്തിയും ഉണ്ടെങ്കില്‍ ഡൈനിങ്ങും കിച്ചണും ഒരുമിച്ചാകുന്നതില്‍ കുഴപ്പം ഒന്നും ഇല്ല.


നോണ്‍ വെജ്‌ ഉപയോഗിക്കുന്ന വീടുകളാണെങ്കില്‍ പൂജാമുറികള്‍ ഡൈനിങ്ങിനോട്‌ ചേര്‍ന്ന് കൊടുക്കാതിരിക്കുന്നത്‌ നല്ലതാണ്‌.

ഡൈനിങ്ങിനോട്‌ ചേര്‍ന്ന് വെന്റിലേഷനു കോട്ടം വരാത്തരീതിയില്‍ ഒരു വരാന്തയും പിന്നെ ഗാര്‍ഡനും കൊടുക്കുന്നതും നല്ലതാണ്‌. ഇടക്ക്‌ പുറത്തിരുന്നും ഭക്ഷണം ആകാം!

Wednesday, October 25, 2006

ഒരു അറിയിപ്പ്‌.

പ്രിയ വായനക്കാരെ പാര്‍പ്പിടം എന്ന പേരിലും അതിനോടു സാദൃശ്യമുള്ള പേരുകളിലും ഉള്ള ചില ബ്ലോഗ്ഗുകള്‍ പ്രത്യക്ഷപ്പെട്ടതായി ചില സുഹൃത്തുക്കള്‍ പറയുകയുണ്ടായി. ആരുടെയെങ്കിലും ബ്ലോഗ്ഗുകളില്‍ എന്റെ പേരില്‍ കമന്റുകള്‍ വരികയാണെങ്കില്‍ അതു ഞാന്‍ തന്നെ ഇട്ടതാണോ എന്ന് കൃത്യമായി പരിശൊധിച്ച്‌ ഉറപ്പുവരുത്തുക.(കമന്റിനോടൊപ്പം ഉള്ള ലിങ്കില്‍ ക്ലിക്ക്‌ ചെയ്ത്‌ ഉറപ്പുവരുത്തുവാന്‍ സാധിക്കും, മറ്റു വല്ല സംവിധാനവും ഉണ്ടെങ്കില്‍ അറിയാവുന്നവര്‍ പറഞ്ഞുതരിക.) സാധാരണക്കാരുടെ പാര്‍പ്പിട നിര്‍മ്മാണവുമായി ബന്ധപ്പെട്ട്‌ ചില അറിവുകള്‍ പകര്‍ന്നുതരുവാനുള്ള എന്റെ എളിയശ്രമത്തിനു നിങ്ങള്‍ നല്‍കുന്ന പ്രോത്സാഹനങ്ങള്‍ക്ക്‌ നന്ദിപറയുന്നതോടൊപ്പം ഇതൊരു വാണിജ്യ താല്‍പ്പര്യത്തോടുകൂടിയ ബ്ലോഗ്ഗല്ല എന്ന് ഒരിക്കല്‍കൂടെ പറയുകയാണ്‌. ദയവുചെയ്ത്‌ സമാനനാമങ്ങളില്‍ ഉള്ള ബ്ലോഗ്ഗുകളില്‍ നിന്നും ഉള്ള ഏതെങ്കിലും കമന്റുകള്‍ കണ്ട്‌ തെറ്റിദ്ധരിക്കാതിരിക്കുക.

ഫ്ലാറ്റുകള്‍ വാങ്ങുമ്പോള്‍.

അമ്പരചുമ്പികളായ ഫ്ലാറ്റുകള്‍ കേരളത്തില്‍ പ്രത്യക്ഷപ്പെടുവാന്‍ തുടങ്ങിയപ്പോള്‍ മലയാളികള്‍ ഈ ആകാശസൗധങ്ങളെ കൗതുകത്തോടെയാണ്‌ നോക്കിക്കണ്ടത്‌. ഇന്ന് കേരളത്തില്‍ ഇത്തരം കെട്ടിടങ്ങള്‍ സര്‍വ്വ സാധാരണമായി. താമസിക്കുവാന്‍ ഒരു ഇടം എന്നതിലപ്പുറം ഇന്ന് പല മലയാളികളും ഫ്ലാറ്റുകളെയും വില്ലകളേയും ഒരു നിക്ഷേപമായി കരുതുവാന്‍ തുടങ്ങുകയും അതില്‍ വന്‍ തോതില്‍ നിക്ഷേപം നടത്തുകയും ചെയ്തുവരുന്നു. വിദേശമലയാളികളാണ്‌ ഇതില്‍ മുന്‍പന്തിയില്‍ നില്‍ക്കുന്നത്‌.മാസത്തില്‍ നിരവധി റിയല്‍ എസ്റ്റേറ്റ്‌ കമ്പനികളുടെ പ്രതിനിധികള്‍ തങ്ങളുടെ ഫ്ലാറ്റുകളുടെ വിപണനാര്‍ഥം ഗള്‍ഫുരാജ്യങ്ങളില്‍ സന്ദര്‍ശനം നടത്തുന്നു. കേരളത്തിലെ വ്യവസായത്തില്‍ നിക്ഷേപം നടത്തിയ തങ്ങളുടെ പല മുന്‍ ഗാമികള്‍ക്കും ഉണ്ടായ തിക്താനുഭവങ്ങളും കൂടാതെ വിവിധ വകുപ്പുകളിലെ നൂലാമാലകളും വ്യവസായമേഘലയില്‍ നിക്ഷേപിക്കുന്നതില്‍ നിന്നും വിദേശമലയാളികളെ ഇതില്‍ നിന്നും പിന്തിരിപ്പിക്കുന്നു. ബാങ്കിങ്ങ്‌ രംഗത്തെ പലിശകുറവും കാര്‍ഷികരംഗം നേരിടുന്ന തകര്‍ച്ചയും വച്ച്‌ നോക്കുമ്പോള്‍ അതിവേഗം കുതിച്ചുയരുന്ന റിയലെസ്റ്റേറ്റ്‌ രംഗത്തേക്ക്‌ മലയാളികള്‍ തിരിയുവാന്‍ പ്രധാന കാരണമായി.കൂടാതെ ബാങ്കുകള്‍ നൂലാമാലകളില്ലാതെ തെന്നെ ലോണ്‍ അനുവധിക്കുവാനും തുടങ്ങി. ഇതിന്റെ സാധ്യത മുതലെടുത്തുകൊണ്ട്‌ നിരവധി റിയല്‍ എസ്റ്റേറ്റ്‌ സ്ഥാപനങ്ങളും പുതുതായി ഉയര്‍ന്നുവന്നു.നിരവധി ഫ്ലാറ്റുകളും വില്ലാപ്രോജക്ടുകളും കേരളത്തിന്റെ ചെറുപട്ടണങ്ങളെ കേന്ദ്രീകരിച്ചുപോലും ഉണ്ടാകാന്‍ തുടങ്ങി.പത്ര ദൃശ്യമാധ്യമങ്ങളുടെ ജനസ്വാധീനം പ്രയോജനപ്പെടുത്തിക്കൊണ്ട്‌ അവര്‍ തങ്ങളുടെ വിപണി അനായാസം കണ്ടെത്തി. ഇവിടെ നിക്ഷേപര്‍ ശ്രദ്ധിച്ചില്ലെങ്കില്‍ വഞ്ചിതരാകുവാനുള്ള സാധ്യതയും ഏറെയാണ്‌.

നിങ്ങള്‍ വാങ്ങുന്ന ഫ്ലാറ്റ്‌ നാളെ വന്‍ലാഭത്തോടെ വിറ്റഴിക്കാമെന്നും അതിന്റെ മുതല്‍മുടക്ക്‌ തുച്ചമാണെന്നും ഭാക്കി ബങ്കുകള്‍ വായ്പയായി നല്‍കുമെന്നുമൊക്കെയുള്ള വന്‍ പ്രചാരണങ്ങളില്‍ വീഴുന്നതിനുമുന്‍പ്‌ ഒരുനിമിഷം അല്‍പ്പകാലം മുന്‍പ്‌ ആട്‌, തേക്ക്‌, മാഞ്ചിയം തുടങ്ങിയ പല സംരംഭങ്ങളും മോഹന വാഗ്ദാനങ്ങള്‍ നല്‍കി വന്‍ തട്ടിപ്പ്‌ നടത്തിയിട്ടുള്ള കാര്യം നാം ഓര്‍ക്കേണ്ടതുണ്ട്‌. ഒരു സാധാരണ പ്രവാസിയെ സംബന്ധിച്ചേടത്തോളം പലപ്പോഴും നാട്ടില്‍പോയി ഫ്ലാറ്റിന്റെ ഗുണനിലവാരം നേരില്‍ കണ്ടു ബോധ്യപ്പെടാന്‍ പറ്റിയെന്നുവരില്ല.പണിതുടങ്ങാന്‍ പോകുന്ന ഫ്ലാറ്റിന്റെയാണെങ്കില്‍ ബ്രോഷറികളില്‍ അതിമനോഹരമായി രൂപപ്പെടുത്തിയ ത്രിമാന ചിത്രം ആയിരിക്കും പലപ്പോഴും ലഭിക്കുക. ഇത്തരം ചിത്രങ്ങള്‍ പലപ്പോഴും യഥാര്‍ത്തത്തിലുള്ള സൈറ്റില്‍ ആബില്‍ഡിങ്ങ്‌ പണിതാല്‍ ലഭിക്കുന്നതില്‍ നിന്നും വ്യത്യസ്തമായ ഒരു ചിത്രമായിരിക്കും നല്‍കുക. മറ്റൊന്ന് പലപ്പോഴും ബ്രോഷറുകളില്‍ വരുന്ന പ്ലാനുകള്‍ യഥാര്‍ഥ അള്‍വുകളില്‍ ആയിര്‍ക്കില്ല ലഭിക്കുന്നത്‌.കൃത്യമായ സ്കേല്‍ രേഖപ്പെടുത്താത്ത പ്ലാനുകളില്‍ സൗകര്യങ്ങള്‍ ഒത്തിരിയുള്ളതായി തോന്നിയേക്കാം.തീര്‍ച്ചയായും ഒരു ആര്‍ക്കിടെക്റ്റിന്റെ സഹായത്താല്‍ പ്രസ്തുത കെട്ടിടത്തിന്റെ പ്ലാനിങ്ങിനെകുറിച്ചും അതിന്റെ ഉപയോഗക്ഷമതയെകുറിച്ചും വിശദമായി മനസ്സിലാക്കാവുന്നതാണ്‌. ഒരു നിക്ഷേപമായി ഫാറ്റുവാങ്ങുമ്പൊള്‍ അതിന്റെ വിപണന സാധ്യതയെകുറിച്ച്‌ ഈ രംഗത്തെ വിദഗദന്റെ ഉപദേശം തേടാവുന്നതാണ്‌.

ഫ്ലാറ്റുകള്‍ വാങ്ങും മുന്‍പ്‌ ശ്രദ്ധിക്കേണ്ട ചില കാര്യങ്ങള്‍.

1.കെട്ടിടം നിര്‍മ്മിക്കാനുള്ള വിവിധവകുപ്പുകളുടെ അനുമതി പത്രം ലഭിച്ചിട്ടുണ്ടോ എന്നും പൂര്‍ത്തിയായകെട്ടിടമാണെങ്കില്‍ കമ്പ്ലീഷന്‍ സര്‍ട്ടിഫിക്കറ്റ്‌ ഉണ്ടോ എന്നും പരിശോധിക്കുക. സ്ഥലത്തിന്റെ രെജിസ്റ്റ്രേഷന്‍,നികുതി തുടങ്ങിയവയും അതുപോലെ പ്രസ്തുത കെട്ടിടത്തിലോ ഭൂമിയിലോ ബാധ്യതകള്‍ ഒന്നും ഇല്ലെന്നു വ്യക്തമാക്കുന്ന രേഖകളും പരിശോധിച്ച്‌ ഉറപ്പുവരുത്തുക.

2. നിലവില്‍ പണിപൂര്‍ത്തിയാക്കിയതാണോ അതോ നിര്‍മ്മിക്കുവാന്‍ പോകുന്ന താണോ എന്ന് തീര്‍ച്ചപ്പെടുത്തുക.നിര്‍മ്മിക്കുവാന്‍ പോകുന്നതാണെങ്കില്‍ അത്‌ എത്രകാലം കൊണ്ട്‌ പൂര്‍ത്തിയാക്കുമെന്ന് കരാറില്‍ വ്യക്തമായി കാണിച്ചിരിക്കണം.പിന്നെ കരാറില്‍ പറഞ്ഞിരിക്കുന്ന കാര്യങ്ങളില്‍ ഏതെങ്കിലും വിധത്തിലുള്ള ലംഘനങ്ങള്‍ ഉണ്ടാകുകയാണെങ്കില്‍ ഏതുതരത്തില്‍ അതു ഈടാക്കാം എന്നും അറിഞ്ഞിരിക്കണം.അതുപോലെ ചതുപ്പുനിലങ്ങള്‍ നികത്തിയെടുത്ത ഭൂമിയില്‍ നിര്‍മ്മിച്ചകെട്ടിടങ്ങള്‍ക്ക്‌ വേണ്ടത്ര ഫൗണ്ടേഷന്‍ നല്‍കിയിട്ടുണ്ടോ എന്നു പരിശോധിക്കേണ്ടതാണ്‌.ഇതുസംബന്ധിച്ച വിശധമായ രേഖകള്‍ ബില്‍ഡറുടെ കൈയ്യില്‍ നിന്നും ചോദിച്ച്‌ വാങ്ങാവുന്നതാണ്‌.പണിതീര്‍ന്നതാണെങ്കില്‍ എത്രഫ്ലാറ്റുകള്‍ വിറ്റുപോയി എന്നും അതില്‍ താമസിക്കുന്നവരുടെ അഭിപ്രായം എന്താണെന്നും തിരക്കുക.

3.ഫ്ലാറ്റിന്റെ വിപണിമൂല്യവും നിങ്ങള്‍ നല്‍കേണ്ട വിലയും സമ്പന്തിച്ച്‌ ഒരു വിദഗ്ദന്റെ അഭിപ്രായം തേടുന്നത്‌ നല്ലതാണ്‌.പിന്നീട്‌ വില്‍ക്കുമ്പോള്‍ ഉണ്ടാകാനിടയുള്ള ലാഭ നഷ്ട്ടങ്ങളെകുറിച്ചും അദ്ദേഹത്തില്‍നിന്നും ഏകദേശ രൂപം ലഭിക്കുന്നതണ്‌. വര്‍ഷങ്ങള്‍ക്ക്‌ ശേഷം വന്‍ തുകക്ക്‌ വില്‍ക്കമെന്ന് കരുതുമ്പോള്‍ തന്നെ കെട്ടിടത്തിന്റെ ഡിപ്രീസിയേഷന്‍ എന്ന "പ്രതിഭാസത്തെ"ക്കുറിച്ച്‌ ഒരു ധാരണ ഉണ്ടാകുന്നത്‌ നല്ലതാണ്‌. വാടകക്ക്‌ നല്‍കുവാന്‍ ഉദ്ദേശിച്ചാണ്‌ ഫ്ലാറ്റ്‌ വാങ്ങുന്നതെങ്കില്‍ നിങ്ങളുടെ ഫ്ലാറ്റിനു ലഭിക്കാവുന്ന പരമാവധി വാടകയെക്കുറിച്ച്‌ ഒരു കൃത്യമായ ധാരണ ഉണ്ടായിരിക്കേണ്ടതാണ്‌. വിപണനത്തിനായി പലപ്പോഴും മനോഹരമായ പരസ്യവാചകങ്ങളും പെരുപ്പിച്ച കണക്കുകളും സ്വീകരിക്കുന്ന പല കമ്പനികളും കണ്ടേക്കാം.

4.ബാങ്കില്‍ നിന്നും ലോണെടുക്കുകയാണെങ്കില്‍ തിരിച്ചടവിന്റെ തവണകളെക്കുറിച്ചും അതിന്റെ പലിശയെകുറിച്ചും അടവില്‍ എന്തെങ്കിലും വിധത്തിലുള്ള വീഴ്ച്ച സംഭവിക്കുകയാണെങ്കില്‍ അതുസംബന്ധിച്ചുണ്ടാകുന്ന പ്രശ്നങ്ങള്‍/നഷ്ടങ്ങള്‍ എന്നിവയെകുറിച്ച്‌ വ്യക്തമായ ധാരണ ഉണ്ടായിരിക്കണം.

5.നിര്‍മ്മാണ കമ്പനിയുടെ രജിസ്റ്റ്രേഷന്‍ സമ്പന്തിച്ചും മുന്‍പ്‌ ഈ കമ്പനി നിര്‍മ്മിച്ചിട്ടുള്ള കെട്ടിടങ്ങളുടെ വിവരങ്ങളും അവര്‍ക്ക്‌ ഈ രംഗത്തുള്ള ഗുഡ്‌ വില്ലിനെകുറിച്ചും വ്യക്തമായി അന്വേഷിച്ച്‌ ഉറപ്പുവരുത്തുക.നിര്‍മ്മാണ സാമഗ്രികളുടെ ഗുണനിലവാരം കുറച്ച്‌ അമിത ലാഭത്തിനു ശ്രമിക്കുന്ന കമ്പനികള്‍ ഉണ്ടായേക്കാം.

6.രൂപകല്‍പ്പന ചെയ്ത ആര്‍ക്കിടെക്റ്റിന്റെയും സ്റ്റ്രക്ചര്‍ ഡിസൈന്‍ ചെയ്ത എഞ്ചിനീയര്‍ എന്നിവരുടെയും എക്സപീരിയന്‍സും യോഗ്യതയും.കൂടാതെ കെട്ടിടം പണിയുന്ന/പണിത കരാറുകാരന്റെയും വിവരങ്ങള്‍ അറിഞ്ഞിരിക്കുന്നത്‌ നന്നായിരിക്കും.

7.ഫ്ലാറ്റിന്റെ ക്രയവിക്രയവും അതുപോലെ നിങ്ങള്‍ക്കതില്‍ ഉള്ള അധികാരങ്ങളും അവകാശങ്ങളും സമ്പന്തിച്ച വിശദാംശങ്ങള്‍ വ്യക്തമാക്കുന്ന കരാര്‍ മിക്ക കമ്പനികളും മുങ്കൂറായി തയ്യാറാക്കിയിട്ടുണ്ടാകും ഇത്‌ ഒരു അഭിഭാഷകന്റെ സഹായത്താല്‍ വിശദമായി മനസ്സിലാക്കുക.

8.ഫ്ലാറ്റു വാങ്ങുന്നതു സമ്പന്തിച്ചുള്ള സാമ്പത്തിക ഇടപാടുകള്‍ വസ്തുവിനെക്കുറിച്ചും ഫ്ലാറ്റ്‌ ഏതുനിലയില്‍ ഏതു വശത്തായി വരുന്നു തുടങ്ങിയ വിവരങ്ങള്‍ കരാറില്‍ ഉണ്ടായിരിക്കണം.മിക്ക ഫ്ലാറ്റുനിര്‍മ്മാതാക്കളും കാര്‍പാര്‍ക്കിങ്ങിനു പ്രത്യേകം പണമടക്കേണ്ടി വരാറുണ്ട്‌. ഇത്‌ കരാറില്‍ വ്യക്തമാക്കിയിട്ടുണ്ടായിരിക്കണം.

9.വിവിധ ടാക്സുകള്‍, ഇലക്ര്ട്രിസിറ്റി, വെള്ളം, നികുതി മെയ്ന്റനന്‍സ്‌ ചാര്‍ജ്ജുകള്‍ എന്നിവയെകുറിച്ച്‌ പ്രത്യേകം ചോദിച്ച്‌ മനസ്സിലാക്കുക.

10. ചിലയിടങ്ങളില്‍ കായല്‍/കടലിലേക്കുള്ള വ്യൂകിട്ടുന്ന ഫ്ലാറ്റുകള്‍ക്ക്‌ അധികം തുക നല്‍കേണ്ടിവരാറുണ്ട്‌. ഇത്പ്രത്യേകം ശ്രദ്ധിക്കുക.വേണ്ടത്ര ജനലുകളും വരാന്തകളും ആവശത്തു വരുന്നുണ്ടോ നല്‍കുന്ന തുകക്ക്‌ അത്‌ പ്രയോജനപ്പെടുന്നുണ്ടൊ എന്നെല്ലാം ഒരു ആര്‍ക്കിടെക്റ്റിന്റെസഹായത്താല്‍ അറിയാവുന്നതാണ്‌. അതുപോലെ ശ്രദ്ധിക്കേണ്ട ഒരു കാര്യം കോംണ്‍ ഏരിയായെ സംബന്ധിച്ചാണ്‌. സ്റ്റെയര്‍കേസ്‌,ലിഫ്റ്റ്‌, ലോബികള്‍, ജനറേറ്റര്‍/പമ്പ്‌ റൂ തുടങ്ങിയവയ്ക്കാണ്‌ പൊതുവില്‍ കോമണ്‍ ഏരിയാ എന്ന് പറയുന്നത്‌. ഇത്‌ ആ ഫാറ്റിലെ എല്ലാവര്‍ക്കും കൂടി ഉപയോഗിക്കാനുള്ള താണ്‌. ഇതിനു ഓരോ ഫ്ലാറ്റുടമയില്‍ നിന്നും പ്രത്യേകം പണം ഈടാക്കുന്നുണ്ട്‌/ ഇതുകൂടെ കൂട്ടിയിട്ടാണ്‌ ഫാറ്റിന്റെ വില നിശ്ചയിക്കുന്നത്‌.ഇങ്ങനെ ഓരോരുത്തര്‍ക്കായി വിഭജിക്കെപ്പെടുന്നതില്‍ നിങ്ങളുടെ ഫ്ലാറ്റിന്റെ ഏരിയായുടെ 20% ല്‍ കൂടുതലാണോ ഈടാക്കുന്നത്‌ എന്ന് പരിശോധിക്കുക.

11.റ്റൊയ്‌ലറ്റുകളുടെ വെന്റിലേഷനും ഡ്രയിനേജ്‌ സൗകര്യങ്ങളും ശ്രദ്ധിക്കുക.മറ്റുള്ളവര്‍ക്ക്‌ നിങ്ങളുടെ റ്റൊയ്‌ലറ്റിന്റെ വിന്റോ/വെന്റിലേറ്റര്‍ വഴി അകത്തേക്ക്‌ കാഴ്ച ഉണ്ടാകില്ലാ എന്ന് ഉറപ്പുവരുത്തുക. ജനലുകള്‍ വഴി അകത്തേക്ക്‌ മഴവെള്ളം കയറാനുള്ള സാധ്യതയും പരിശോധിക്കുക.

12.സൗകര്യം സുരക്ഷിതത്വം രേഖകളുടെ കൃത്യത വിപണന സാധ്യത മെയിന്റനന്‍സ്‌ എന്നിവ പ്രത്യേകം ശ്രദ്ധിക്കേണ്ട കാര്യങ്ങളാണ്‌.

13.ഭൂകമ്പ പ്രതിരോധം ഉള്ളരീതിയിലാണോ സ്റ്റ്രക്ചര്‍ ഡിസൈന്‍ എന്നും അഗ്നിഭാധതടയുവാനുള്ള സംവിധാനങ്ങള്‍ എന്നിവയും പരിശൊധിച്ച്‌ ഉറപ്പുവരുത്തുക.

14.നിങ്ങളുടെ ഫ്ലാറ്റിന്റെ അടിസ്ഥാന രൂപകഘടനയില്‍ മാറ്റം വരുത്തുവാന്‍ ചില പരിമിതികള്‍ ഉണ്ട്‌. ചില ബില്‍ഡേഴ്സ്‌ ക്ലൈന്റിന്റെ താല്‍പര്യാര്‍ത്ഥം നിര്‍മ്മാണത്തിനുമുമ്പ്‌ തന്നെ ഡിസൈനില്‍ ചില മാറ്റങ്ങള്‍ വരുത്തുവാന്‍ അനുവധിക്കുകയും അതിനനുസരിച്ച്‌ നിര്‍മ്മിച്ച്‌ നല്‍കുകയും ചെയ്യാറുണ്ട്‌.

15.ഫ്ലാറ്റിന്റെ ലൊക്കേഷനും അതിലേക്കുള്ള വഴികളും എളുപ്പത്തില്‍ എത്തിച്ചേരാവുന്ന വിധത്തിലാണോ എന്നു പരിശോധിക്കുക.

16.ഫ്ലാറ്റുജീവിതത്തില്‍ ചില സ്വയം നിയന്ത്രണങ്ങള്‍ ആവശ്യമാണ്‌. നമ്മുടെ പ്രവര്‍ത്തനങ്ങള്‍ അടുത്തുള്ള ഫ്ലാറ്റുകാര്‍ക്ക്‌ അലോസരം ഉണ്ടാക്കുന്ന വിധത്തിലാകരുത്‌. ഇക്കാര്യങ്ങളില്‍ റസിഡന്റ്‌ അസോസിയേഷനുകളുടെ നിയമാവലികള്‍ അംഗീകരിക്കുവാന്‍ ഓരോ ഫ്ലാറ്റുടമയും ബാധ്യസ്തനാണ്‌.

ഓര്‍ക്കുക തിരക്കുപിടിച്ച്‌ ഒരു നിക്ഷേപം നടത്തുന്നതിനേക്കാള്‍ എത്രയും നന്നാകുക നല്ലവണ്ണം ചിന്തിച്ച്‌ വിശദമായി അന്വേഷണം നടത്തിയതിനു ശേഷം മാത്രം ഒരു നിക്ഷേപം നടത്തുക. വഞ്ചിക്കപ്പെട്ടിട്ട്‌ പിന്നീടു ദുഖിക്കുന്നതിനേക്കാള്‍ നല്ലത്‌

Sunday, October 22, 2006

പ്ലാന്‍-5A



താഴെകൊടുത്തിരിക്കുന്ന പ്ലാനില്‍ ചില മാറ്റങ്ങള്‍ വരുത്തിയിട്ടുള്ളതാണിത്‌. അടുക്കളയുടെയും ബെഡ്രൂം 1 ന്റെയും സ്ഥാനം പരസ്പരം മാറ്റിയിരിക്കുന്നു. 1260 ചതുരശ്ര അടിയാണിതിന്റെ വിസ്തീര്‍ണ്ണം(കാര്‍ പോര്‍ച്ച്‌ കൂടാതെ)

Thursday, October 19, 2006

പ്ലാന്‍-5



1245 ചതുരശ്ര അടി വിസ്തീര്‍ണ്ണമുള്ള (കാര്‍പോര്‍ച്ചോഴികെ) ഒരു വീടിന്റെ പ്ലാന്‍. കിച്ചണില്‍ അത്യാവശ്യം രണ്ടുപേര്‍ക്കിരുന്ന് ഭക്ഷണം കഴിക്കാനുള്ള സൗകര്യം കൊടുത്തിരിക്കുന്നു. കൂടാതെ സാധനങ്ങള്‍ സൂക്ഷിക്കുവാന്‍ പ്രത്യേകം ഷെല്‍ഫ്‌ നല്‍കിയിരിക്കുന്നതിനാല്‍ വര്‍ക്കിങ്ങ്‌ സ്ലാബിനു ചുറ്റും കാബിനറ്റുകള്‍ നല്‍കേണ്ടതില്ല, ഇത്‌ അടുക്കളയുടെ സൗകര്യം വര്‍ദ്ധിപ്പിക്കും. ബെഡ്രൂം 1 -ലെ ടോയ്‌ലറ്റില്‍ വെറ്റ്‌ ഏരിയായും ഡ്രൈ ഏരിയായും പ്രത്യേകം വേര്‍തിരിച്ചിരിക്കുന്നു. ഇതു പ്ര്യത്യേകം ഗ്ലാസ്സുകൊണ്ടോ അല്ലെങ്കില്‍ കര്‍ട്ടങ്കൊണ്ടോ വേര്‍തിരിക്കാവുന്നതാണ്‌. കുളിക്കുമ്പോള്‍ വെള്ളം റ്റോയ്‌ലറ്റിന്റെ തറയുടെ എല്ലാഭാഗത്തും ഒഴുകി എത്താതിരിക്കുവാന്‍ ഇതു സഹായിക്കും.

Thursday, October 12, 2006

വാസ്‌തുവിന്‌ ഒരാമുഖം

ശില്‌പവിദ്യയുടെ ശാസ്‌ത്രമാണ്‌ വാസ്‌തു! അതിന്‌ വേദകാലത്തോളം
പഴക്കമുണ്ട്‌. വാസ്‌തു എന്ന സംസ്‌കൃത പദത്തിന്‌ പാര്‍പ്പിടം എന്നാണ്‌
അര്‍ത്ഥം. 'അപൗരുഷേയം' (മനുഷ്യനിര്‍മ്മിതമല്ലാത്തത്‌) എന്നു
പറയപ്പെടുന്ന വേദങ്ങളുടെ ഭാഗമാണ്‌ വാസ്‌തു. അഥര്‍വവേദത്തിന്റെ ഒരു
ഉപവേദമാണ്‌ വാസ്‌തു എന്നും പറയപ്പെടുന്നുണ്ട്‌.
പൗരാണിക ശില്‌പവിദ്യയെ സംബന്ധിക്കുന്ന ഒരു മഹത്ഗ്രന്ഥമായ
'മാനസാരം' വാസ്‌തുവിനെ ധര(ഭൂമി) ഹര്‍മ്മ്യം(കെട്ടിടം) യാനം(വാഹനം)
പര്യങ്കം(കിടക്ക) എന്നിങ്ങനെ വിഭജിച്ചിരിക്കുന്നു.
അടിസ്ഥാനപരമായി വടക്ക്‌ കിഴക്ക്‌ തെക്ക്‌ പടിഞ്ഞാറ്‌ എന്നീ നാലു
ദിശകളില്‍ നിന്നു പ്രസരിക്കുന്ന ഊര്‍ജ്ജത്തെയും വാസ്‌തുശാസ്‌ത്രം
പരിഗണിക്കുന്നു. പ്രപഞ്ചത്തിലെ വിവിധങ്ങളായ ഊര്‍ജ്ജങ്ങളെയും മനുഷ്യനിലും
അവന്റെ ചുറ്റുപാടുകളില്‍ നിന്നും പുറപ്പെടുന്ന ഊര്‍ജ്ജത്തെയും തമ്മില്‍
ബന്ധപ്പെടുത്തിയാണ്‌ വാസ്‌തു ചിട്ടപ്പെടുത്തിയിരിക്കുന്നത്‌. സൗരോര്‍ജ്ജം,
വൈദ്യുതി കാന്തികം ഗുരുത്വാകര്‍ഷണം എന്നീവ കൂടാതെ ആധുനിക
മനുഷ്യന്‌ അജ്ഞാതമായ മറ്റ്‌ ഊര്‍ജ്ജങ്ങളെയും വാസ്‌തു പരിഗണിക്കുന്നുണ്ട്‌.
രാമായണമഹാഭാരത കാലഘട്ടങ്ങള്‍ക്കു മുന്‍പുതന്നെ വാസ്‌തു
പ്രാബല്യത്തില്‍ ഉണ്ടായിരുന്നു എന്ന് ഈ ഗ്രന്ഥങ്ങളില്‍ നിന്ന് വായിച്ചറിയാന്‍
സാധിക്കും. വാസ്‌തുവിന്റെ അടിസ്ഥാനത്തില്‍ പണികഴിപ്പിച്ച
കെട്ടിടങ്ങളെക്കുറിച്ച്‌ ബുദ്ധമതഗ്രന്ഥങ്ങളിലും പരാമര്‍ശമുണ്ട്‌. ബുദ്ധഗോഷിന്റെ
വ്യാഖ്യാനത്തോടെയുള്ള 'ചുള്ളവാഗ്ഗാ' എന്ന കൃതിയില്‍
ശില്‌പവിദ്യാശാസ്‌ത്രവുമായി ബന്ധപ്പെട്ട പല കാര്യങ്ങളും ഉണ്ടെന്ന് പറയപെടുന്നു.
കാലാവസ്ഥാപ്രവചനം, ഭൂകമ്പപ്രവചനം, ഗ്രഹപ്പകര്‍ച്ച,
ശില്‌പവിദ്യ വാല്‍നക്ഷത്രങ്ങള്‍ തുടങ്ങി പ്രകൃതിയിലെ പല
പ്രതിഭാസങ്ങളെക്കുറിച്ചും പ്രതിപാദിക്കുന്ന ഒരു മഹത്ഗ്രന്ഥമാണ്‌ 'ബ്രഹത്‌
സംഹിത' എ.ഡി, ആറാം നൂറ്റാണ്ടില്‍ ജീവിച്ചിരുന്ന ജ്യോതിശാസ്‌ത്രജ്ഞനും
ഗണിതശാസ്‌ത്രജ്ഞനുമായ വരാഹമിഹരനാണ്‌ ഇതിന്റെ രചയിതാവ്‌.
പാര്‍പ്പിടങ്ങളുടെയും ക്ഷേത്രങ്ങളുടെയും ശില്‌പവിദ്യയെ പ്രതിപാദിക്കുന്ന
സില അധ്യായങ്ങള്‍ ഇതിലുണ്ട്‌.
വേദങ്ങള്‍ക്കു പുറമേ പല ആഗമങ്ങളിലും ശില്‌പവിദ്യാപരമായ
വിവരങ്ങള്‍ ഉണ്ട്‌. കാമികാഗമം, കര്‍ണാഗമം, സുപ്രഭേദാഗമം,
വൈഖാനസാഗമം, അംശുമദ്ഭേദാഗമമെന്നിവയാണ്‌ ഇതില്‍ പ്രധാനപ്പെട്ടത്‌.
കിരണതന്ത്രം, ഹയര്‍ശീര്‍ഷതന്ത്രം മുതലായ ചില താന്ത്രിക
ഗ്രന്ഥങ്ങളിലും കൗടില്യന്റെ അര്‍ത്ഥശാസ്‌ത്രം ശുക്രനീതി എന്നീ
കൃതികളിലും ശില്‌പകലയെക്കുറിച്ചുള്ള വിവരങ്ങളുണ്ട്‌.
പാര്‍പ്പിട നിര്‍മ്മാണവുമായി ബന്ധപ്പെട്ട സുപ്രധാന കൃതികളാണ്‌
മാനസാരം, മയന്‍ രചിച്ച മയാമതം, ഭോഗരാജാവ്‌ രചിച്ച
സമരഞ്ജനസൂത്രധാരം, വരാഹമിഹരന്റെ വിശ്വകര്‍മ്മ പ്രകാശം ശില്‌പരത്നം,
അപരാജിതപ്രച്ഛ, മനുഷ്യാലയ ചന്ദ്രിക എന്നിവ.
ഇതില്‍ മാനസാരത്തില്‍ വീടുകള്‍ പണിയുന്നതിനെക്കുറിച്ചും വിഗ്രഹങ്ങള്‍
നിര്‍മ്മിക്കുന്നതിനെക്കുറിച്ചും വിശദമായി പറയുന്നുണ്ട്‌.
വാസ്‌തുശാസ്‌ത്രമെന്നാല്‍ മാനസാരമാണ്‌ എന്നുതന്നെ പറയാം. ഇതിന്റെ രചനാകാലം
ക്രിസ്‌തുവിനും ഏതാനും നൂറ്റാണ്ടുകള്‍ മുന്‍പാണെന്ന് കണക്കാക്കിയിരിക്കുന്നു.
അറിയപ്പെടാത്ത കാലത്തെ അജ്ഞാതനായ ഗ്രന്ഥകാരന്‍, മാനങ്ങളുടെ
- അളവുകളുടെ- സാരം കൈകാര്യം ചെയ്യുന്ന ഋഷിമാരുടെ വിഭാഗം
ശില്‌പവിദ്യയെയും വിഗ്രഹനിര്‍മ്മാണത്തെയും സംബന്ധിച്ച രീതികളും
നിയമാവലികളും എന്നിങ്ങനെ മൂന്നുരീതിയില്‍ 'മാനസാരം' എന്ന പദത്തിന്‌
അര്‍ത്ഥം കല്‌പിച്ചിരിക്കുന്നു. 83 അധ്യായങ്ങളാണ്‌ ഈ കൃതിയിലുള്ളത്‌.
അളവുകള്‍ക്ക്‌ മുഖ്യമായും രണ്ട്‌ ഏകകങ്ങളാണ്‌ മാനസാരം
ഉപയോഗിച്ചിരിക്കുന്നത്‌. ശില്‌പവിദ്യയിലെ അളവുകള്‍ക്ക്‌ അംഗുലവും (ഏകദേശം 3 സെന്റീമീറ്റര്‍)
ഹസ്‌തവും (24 അംഗുലം)
വിഗ്രഹനിര്‍മ്മാണത്തിന്‌ താലം (നിവര്‍ത്തിപ്പിടിച്ച പെരുവിരലിന്റെ അറ്റം
മുതല്‍ നടുവിരലിന്റെ അറ്റം വരെയുള്ള നീളം)

വാസ്‌തുശില്‌പികളെ നാലായി തരം തിരിച്ചിട്ടുണ്ട്‌.
മുഖ്യവാസ്‌തുശില്‌പിയെ സ്ഥപതി എന്നുവിളിക്കുന്നു. രൂപകല്‌പന ചെയ്യുന്ന ആള്‍ക്ക്‌
സൂത്രഗ്രാഹി എന്നും പെയിന്റര്‍ക്ക്‌ വര്‍ദ്ധാന്തി എന്നും ആശാരിക്ക്‌
സൂത്രധാരന്‍ എന്നുമാണ്‌ പേര്‌.
മാനസാരത്തില്‍ വാസ്‌തുശില്‌പിയുടെ ചില യോഗ്യതകളെക്കുറിച്ച്‌
പറയുന്നുണ്ട്‌.
1. നൂതനമായ ആശയങ്ങള്‍ ഉണ്ടായിരിക്കണം.
2. വിജ്ഞാനം നേടാനുള്ള കഴിവു വേണം
3. നല്ലൊരു എഴുത്തുകാരന്‍ ആയിരിക്കണം
4. രേഖാനിര്‍മ്മാണ കൗശലം വേണം (ഡ്രാഫ്റ്റ്മാന്‍ഷിപ്പ്‌)
5. പ്രകൃതിയുടെ തത്വങ്ങളും ധര്‍മ്മനീതിയും അറിഞ്ഞിരിക്കണം
6. നിയമശാസ്‌തവും ഭൗതികശാസ്‌ത്രവും അറിഞ്ഞിരിക്കണം
7. ജ്യോതിഷത്തിലും ഗണിതത്തിലും പരിജ്ഞാനം വേണം

മേല്‍പ്പറന്‍ഞ്ഞ ക്ലാസിക്‌ കൃതികളില്‍ പരാമര്‍ശിക്കുന്ന ഒന്നാണ്‌ 'ആയം'
ഏതൊരു പുരയിടത്തിനും കെട്ടിടത്തിനും ജീവനുണ്ടെന്നാണ്‌ ആയം എന്ന
സങ്കല്‌പം. അതുകൊണ്ട്‌ നിശ്ചിതമാനദണ്ഡമുപയോഗിച്ചുവേണം കെട്ടിടങ്ങള്‍
നിര്‍മ്മിക്കുവാന്‍.
ആയാദി ഷഡ്‌വര്‍ഗ്ഗം എന്നറിയപ്പെടുന്ന ഈ മാനദണ്ഡങ്ങളില്‍
1. ആയം - വര്‍ദ്ധനവ്‌ അഥവാ ലാഭം
2. വ്യയം - കുറവ്‌ അഥവാ നഷ്ടം
3. ഋഷ അഥവാ നക്ഷത്രം
4. യോനി അഥവാ കെട്ടിടത്തിന്റ്‌ ദിശ
5. വാരം അഥവാ സൗരദിനം
6. തിഥി അഥവാ ചന്ദ്രദിനം എന്നിവ ഉള്‍പ്പെടുന്നു.
സമൂഹത്തിന്റെ നന്മയ്ക്കും ക്ഷേമത്തിനുംവേണ്ടി നമ്മുടെ
പൂര്‍വ്വപിതാക്കന്മാര്‍ ചിട്ടപ്പെടുത്തിയ ഒരു ശാസ്‌ത്രമാണ്‌ വാസ്‌തു. അതിന്‌ ഭൂമിയിലെ
ഊര്‍ജ്ജപ്രസരണവുമായും അത്‌ മനുഷ്യനെ എങ്ങനെ ബാധിക്കുന്നു എന്നതുമായും
അഭേദ്യമായ ബന്ധമുണ്ട്‌. അത്‌ മനസ്സിലാക്കി ജീവിച്ചാല്‍ ആരോഗ്യകരവും
സമ്പന്നവും സന്തുഷ്ടവുമായ ഒരു ജീവിതം സാധ്യമാകുമെന്ന് വാസ്‌തു ശാസ്ത്രം പറയുന്നു.

(അടുത്ത പോസ്‌റ്റ്‌: വാസ്‌തുപുരുഷന്‍)

വാസ്തുവിനെകുറിച്ച്‌

പ്രിയ വായനക്കാരെ പര്‍പ്പിടത്തില്‍ വാസ്തുവിനെകുറിച്ച്‌ ചില പോസ്റ്റുകള്‍ ഇടുവാന്‍ പലരില്‍ നിന്നും ആവശ്യം ഉയര്‍ന്നിരുന്നു. വാസ്തുശാസ്ത്രത്തിന്റെ പ്രചാരണാര്‍ഥം അല്ല ഈ വിഷയം ഇവിടെ പോസ്റ്റുചെയ്യുന്നത്‌. വിവിധ ഗ്രന്ഥങ്ങള്‍ ഈരംഗത്തുള്ളവരുടെ ലേഖനങ്ങള്‍ എന്നിവയില്‍ നിന്നും ലഭിച്ച അറിവു വായനക്കരിലേക്ക്‌ പകര്‍ന്നുതരുവാനുള്ള ഒരു എളിയ ശ്രമമാണിവിടെ. വാസ്തു സംബന്ധമായ പല കാര്യങ്ങളും അന്ധവിശ്വാസങ്ങളുമായി ബന്ധപ്പെടുത്തിയതായി കാണാം.ഒരുപക്ഷെ അന്ന് ആ നിയമങ്ങള്‍ കൃത്യമായി പാലിക്കപ്പെടുവാന്‍ വേണ്ടി വിശ്വാസങ്ങളുമായി ബന്ധപ്പെടുത്തിയതുമാകാം.


ഇന്ന് വാസ്തുവിനെ വ്യാപകമായി ദുരുപയാഗപ്പെടുത്തുന്നതായിട്ടാണ്‌ അനുഭവം. ആധുനിക നിര്‍മ്മാണ ശാസ്ത്രവും വാസ്തുവിന്റെ നല്ല വശങ്ങളും സമന്വയിക്കപ്പെടേണ്ടതിനു പകരം തികച്ചും അശാസ്ത്രീയമായ നിര്‍മ്മാണങ്ങളാണിന്ന് പലതും എന്ന് പരിശോധിച്ചാല്‍ കാണാവുന്നതാണ്‌.


അതതു കാലഘട്ടത്തിനനുസൃതമായി തയ്യാറാക്കപ്പെട്ട നിയമങ്ങളും ചിട്ടകളും അതുപോലെ ഇന്നും നിലനിര്‍ത്തണം എന്ന് നിര്‍ബന്ധം പിടിക്കുന്നത്‌ ശരിയല്ലെന്നാണ്‌ എന്റെ വ്യക്തിപരമായ അഭിപ്രായം.


അറിവിന്റേയും സമയത്തിന്റേയും കുറവുകള്‍ക്കിടയില്‍ നടത്തുന്ന ഈ എളിയ പരിശ്രമത്തില്‍ പോരായമകള്‍ ഉണ്ടെങ്കില്‍ തീര്‍ച്ചയായും അറിയിക്കുക. എല്ലാവിധ പ്രൊല്‍സാഹനവും നല്‍കുന്ന എന്റെ വായനക്കാര്‍ക്കരോടുള്ള നന്ദി പറഞ്ഞറിയിക്കുവന്‍ പറ്റുന്നതല്ല.കൂടാതെ കുറിപ്പുകള്‍ തയ്യാറാക്കാന്‍ എനിക്ക്‌ വേണ്ട സഹായങ്ങള്‍ ചെയ്തു തരുന്ന യുവകഥകൃത്ത്‌ ശ്രീബെന്യാമീനെയും,തുടക്കം മുതല്‍ എന്റെ ബ്ലോഗ്ഗിനെ കൂടുതല്‍ നന്നാക്കുവാന്‍ തന്റെ കമന്റുകളിലൂടെയും മെയിലുകളിലൂടെയും സഹായിക്കുന്ന ആര്‍ക്കിറ്റക്റ്റ്‌ ശ്രീ ചെണ്ടക്കാരനും പിന്നെ ബ്ലൊഗ്ഗിങ്ങിനു വേണ്ട സഹായങ്ങള്‍ ചെയ്തു തരുന്ന ശ്രീ കെവിന്‍,സിബു,ഉമേഷ്‌,പെരിങ്ങോടന്‍,ഇഞ്ചിപ്പെണ്ണ്‍,കൊടകരപുരാണക്കാരന്‍ തുടങ്ങിയവര്‍ക്കും. പ്രത്യേകം നന്ദി രേഖപ്പെടുത്തുന്നു.


N.B.: ഇവിടെ കൊടുക്കുന്ന ലേഖനങ്ങളില്‍ പരാമര്‍ശിക്കപ്പെടുന്ന കാര്യങ്ങള്‍ എന്റെ കണ്ടുപിടുത്തങ്ങളോ/നിഗമനങ്ങളോ അല്ല.വാസ്തുശാസ്ത്രത്തില്‍ പറഞ്ഞിരിക്കുന്ന പലകാര്യങ്ങളും ആധുനീക ശാസ്ത്രം അംഗീകരിചതും കണ്ടുപിടിച്ചതുമായ പലതിനും വിരുദ്ധമായി വരാറുണ്ട്‌. ഇതേകുറിച്ച്‌ മറുപടി നല്‍കുവാനോ സമര്‍ഥിക്കാനോ എനിക്കാകുകയില്ല. അറിഞ്ഞകാര്യങ്ങള്‍ ഇവിടെ കുറിക്കുന്നു. തെറ്റുകള്‍ ചൂണ്ടിക്കാണിക്കുവാനും അറിയാവുന്ന കാര്യങ്ങള്‍ കമന്റായി അറിയിക്കുവാനും അഭ്യര്‍ഥിക്കുന്നു.

ഗൂഗിളിന്റെ പുതിയസംവിധാനം പൂര്‍ണ്ണമായും പ്രവര്‍ത്തനക്ഷമമാകാത്തതിനാല്‍ കമന്റിടുവാന്‍ സാധിക്കാത്തവര്‍ തല്‍ക്കാലം ഈ-മെയില്‍ ചെയ്യുവാന്‍ അഭ്യര്‍ഥിക്കുന്നു. നിങ്ങളുടെ നിര്‍ദ്ധേശങ്ങളൂം വിമര്‍ശനങ്ങളുമാണ്‌ പാര്‍പ്പിടത്തെ മറ്റുള്ളവര്‍ക്ക്‌ കൂടുതല്‍ പ്രയോജനകരമാക്കുന്നത്‌.
സ്നേഹപൂര്‍വ്വം എസ്‌.കുമാര്‍
paarppidam@yahoo.com



Sunday, October 08, 2006

സ്ഥലം തിരഞ്ഞെടുക്കുമ്പോള്‍

വീടുവെക്കുവാന്‍ പലരും സ്ഥലംതിടുക്കപ്പെട്ട്‌ വാങ്ങുകയും പിന്നീട്‌ പല പ്രശ്നങ്ങളും അഭിമുഖീകരിക്കുകയും ചെയ്യാറുണ്ട്‌.വീടുവെക്കുവാന്‍ സ്ഥലം തിരഞ്ഞെടുക്കുമ്പോള്‍ പ്രധാനമായും ശ്രദ്‌ധിക്കേണ്ട ചില കാര്യങ്ങളാണിവിടെ പരാമര്‍ശിക്കുന്നത്‌.


മണ്ണിന്റെ ഉറപ്പ്‌ പരിശോധിച്ച്‌ കെട്ടിടം വെക്കുവാന്‍ അനുയോജ്യമാണോ എന്ന് തീര്‍ച്ചപ്പെടുത്തുക. ചതുപ്പ്‌ നിലങ്ങളോതീരെ ഉറപ്പുകുറഞ്ഞ സ്ഥലമോ ആണെങ്കില്‍ ഫൗണ്ടേഷനായി കൂടുതല്‍ തുക ചിലവാകും.സ്ഥലത്തിന്റെ ആകൃതിയും അവിടേക്കുള്ള വാഹനസൗകര്യം,ജലത്തിന്റെ ലഭ്യത എന്നിവയാണ്‌ പ്രധാനപ്പെട്ട സംഗതികളാണ്‌.അയല്‍ക്കാരെക്കുറിച്ചും അടുത്തുള്ള സ്ക്കൂള്‍ ആശുപത്രി കടകള്‍ തുടങ്ങിയ സൗകര്യങ്ങള്‍ എന്നിവയും അന്വേഷിച്ചറിയുക. കൂടാതെ മലിനജലം മറ്റു ആരോഗ്യപ്രശ്നങ്ങള്‍ എന്നിവ സൃഷ്ട്ടിക്കുന്ന ഫക്ടറികള്‍,പോള്‍ട്രീ ഫാമുകള്‍ അറവുശാലകള്‍ എന്നിവയില്‍ നിന്നും അകന്ന വസ്തുതിരഞ്ഞെടുക്കുക.

സ്ഥലത്തെക്കുറിച്ചും നിര്‍മ്മിക്കാനുദ്ധേശിക്കുന്ന \വീടിന്റെ ഐഡിയാക്ക്‌ പറ്റിയതാണൊ സ്ഥലമെന്നും കേരളത്തിലെ കെട്ടിടനിര്‍മ്മാണചട്ടങ്ങള്‍ക്കനുസൃതമായി അവിടെ വീടുനിര്‍മ്മിക്കുവാന്‍ സാധിക്കുമോ എന്നതും കെട്ടിടം ഡിസൈന്‍ ചെയ്യുന്ന ആര്‍ക്കിടെക്റ്റ്‌/എഞ്ചിനീയറെക്കൊണ്ട്‌ പരിശോധിപ്പിച്ച്‌ ഉറപ്പുവരുത്തുന്നത്‌ നന്നായിരിക്കും വാസ്തുപ്രകാരമാണ്‌ വീടുനിര്‍മ്മിക്കാനുദ്ധേശിക്കുന്നതെങ്കില്‍ ഒരു വാസ്തുവിദഗ്ദന്റെ ഉപദേശം കൂടെ ആരായുന്നത്‌ നല്ലതാണ്‌.

വസ്തുവിന്റെ രജിസ്റ്റ്രേഷനുമായി ബന്ധപ്പെട്ടകാര്യങ്ങളും വളരെ പ്രാധാന്യമുള്ളവതന്നെ.സ്ഥലം വാങ്ങുവാന്‍ അഡ്വാന്‍സ്‌ കൊടുക്കുന്നതിനു മുമ്പ്‌ ഒറിജിനല്‍ ആധാരം വായിച്ചുനോക്കുക.എന്തെങ്കിലും കാരണവശാല്‍ ഒറിജിനല്‍ ലഭിക്കാതിരിക്കുകയാണെങ്കില്‍ രജിസ്ട്ര്രാര്‍ ഓഫീസില്‍ നിന്നും അതിന്റെ സര്‍വേനമ്പരും മറ്റു വിവരങ്ങളും കൊടുത്ത്‌ ഒരു നിശ്ചിത തുക അടച്ചാല്‍ ആധാരത്തിന്റെ പകര്‍പ്പു ലഭിക്കുന്നതാണ്‌.കൂടാതെ വില്ലേജാപ്പീസില്‍നിന്നും ലഭിക്കുന്ന സ്ഥലത്തിന്റെ കൈവശാവകാശരേഖയും കരമടച്ച രസീതിയും പരിശോധിക്കുന്നത്‌ നല്ലതാണ്‌.

ആധാരത്തിനു വിലകുറച്ച്‌ കാണിച്ച്‌ മുദ്രപത്രത്തിന്റെ ചെലവുകുറക്കുന്നത്‌ പിന്നീട്‌ പല നഷ്ട്ടങ്ങളും ഉണ്ടാക്കും.കോടതി വ്യവഹാരങ്ങള്‍ ഉണ്ടായിരുന്ന വസ്തുവാണെങ്കില്‍ അതിന്റെ വിവരങ്ങള്‍ കോടതിവിധിയുടെ വിശദാംശങ്ങള്‍ എന്നിവ പരിശോധിക്കുക.ഇക്കാര്യത്തില്‍ ഒരു അഭിഭാഷകന്റെ ഉപദേശം തേടുന്നത്‌ നന്നായിരിക്കും.കൂട്ടുകുടുമ്പ സ്വത്തില്‍ നിന്നും സ്ഥലം വാങ്ങുമ്പോഴും വളരെയധികം ശ്രദ്ധിക്കുക.

ഏതെങ്കിലും കാരണവശാല്‍ എഗ്രിമന്റ്‌ സമയത്തിനുള്ളില്‍ വില്‍ക്കുന്ന ആള്‍ക്കോ വാങ്ങുന്ന ആള്‍ക്കോ ആധാരം റെജിസ്റ്റര്‍ ചെയ്യുവാന്‍ കഴിയാതെ വരികയാണെങ്കില്‍ അക്കാര്യം ഇരുകക്ഷികളും ഒപ്പിട്ട ഒരു എഗ്രിമെന്റുണ്ടാക്കുകയോ പുതിയ ഒരെണ്ണം ഉണ്ടാക്കുകയോ വേണം.എഗ്രിമെന്റില്‍ നിന്നും വില്‍ക്കുന്ന ആള്‍ നല്‍കിയ അഡ്വാന്‍സ്‌ തിരികെതരാതെ പിന്‍ വാങ്ങാന്‍ ശ്രമിക്കുകയാണെങ്കില്‍ കോടതിയെ സമീപിക്കാവുന്നതാണ്‌.അല്‍പ്പം ചിലവു വരുമെങ്കിലും എഗ്രിമെന്റുകള്‍ റെജിസ്റ്റര്‍ചെയ്യാവുന്നതാണ്‌.

പണയത്തില്‍ ഇരിക്കുന്ന വസ്തുവാങ്ങുമ്പോള്‍ അതുസംബന്ധിച്ചുള്ള ബാങ്ക്‌ രേഖകള്‍ പൊര്‍ണ്ണമായും പരിശോധിച്ച്‌ ഉറപ്പുവരുത്തുക. അതിനു ശേഷം ബാധ്യത തീര്‍ക്കാനാവശ്യമായ തുകയെക്കുറിച്ചും നല്‍കുന്ന തുകയേക്കുറിച്ചും കരാറില്‍ വ്യക്തമാക്കിയിരിക്കണം.

സര്‍ക്കാര്‍ ആവശ്യത്തിനായി അക്വയര്‍ ചെയ്യുവാന്‍ സാധ്യത ഉള്ളതാണോ പ്രസ്തുത ഭൂമിയെന്ന് മുന്‍സിപ്പലിറ്റി/കോര്‍പ്പറേഷന്‍ ഓഫീസുകളില്‍ അന്വേഷിച്ചു ഉറപ്പുവരുത്തുക.വഴിക്ക്‌ വളരെയധികം പ്രാധാന്യം ഉണ്ട്‌.നിങ്ങളുടെ സ്ഥലത്തേക്ക്‌ വഴിയുണ്ടെങ്കിലത്‌ ആധാരത്തില്‍ കാണിച്ചിട്ടുണ്ടോ എന്ന് പ്രത്യേകം ശ്രദ്ധിക്കുക. അടുത്ത സ്ഥലത്തിന്റെ ഉടമയുടെ അനുവാദത്തോടെയാണ്‌ ഗതാഗത സകര്യം ഉള്ളതെങ്കില്‍തുടര്‍ന്നും അത്‌ ലഭ്യമാകുമോ എന്ന് ഉറപ്പുവര്‍ത്തേണ്ടതും അയാളുടെ അനുമതി രേഖയില്‍ കാണിക്കേണ്ടതുമാണ്‌.പലപ്പോഴും ഇത്തരം വഴികള്‍ കണ്ട്‌ വലിയ വിലക്ക്‌ സ്ഥലം വാങ്ങിയതിനു ശേഷം വഞ്ചിതരാകുന്നവര്‍ നിരവധിയാണ്‌. അതുപോലെ തന്നെ ശ്രദ്ധിക്കേണ്ട മറ്റൊരുകാര്യം നിങ്ങള്‍ വാങ്ങുന്ന സ്ഥലത്തിലൂടെ മറ്റുള്ളവര്‍ക്ക്‌ വഴി അനുവദിച്ചിട്ടുണ്ടോ എന്നും അതു നിങ്ങളെ ദോഷകരമായി ബാധിക്കുമോ എന്നതും.ഇക്കാര്യങ്ങള്‍ റെജിസ്ത്രെഷനു മുമ്പായി അന്തിമ തീരുമാനം എടുക്കുക.

ആധാരപ്രകാരം ഉള്ള ഭൂമി അധികാരപ്പെട്ടവരെക്കൊണ്ട്‌ (സര്‍വ്വേ ഡിപ്പര്‍ട്ടുമെന്റും ലൈസന്‍സ്ഡ്‌ സര്‍വ്വേയര്‍മാരും മറ്റും) അളന്നു തിട്ടപ്പെടുത്തുക.( ചില അവസരങ്ങളില്‍ ആധാരത്തില്‍ കാണിച്ചത്രയോ അതില്‍ കൂടുതലോ അളവില്‍ കണേക്കാം.)അടുത്തുള്ള ഭൂമിയുടെ ഉടമസ്ഥരെ നിങ്ങള്‍ വാങ്ങാനുദ്ധേശിക്കുന്ന വസ്തു അളക്കുന്നതിനു മുമ്പ്‌ അറിയിക്കുക. അതിര്‍ത്തികള്‍ വ്യക്തമാകുന്ന രീതിയില്‍ എളുപ്പത്തില്‍ മാറ്റാന്‍ സാധിക്കാത്ത അടയാളങ്ങള്‍ സ്ഥപിക്കുക.വേലികള്‍ മതിലുകള്‍ എന്നിവ സ്ഥപിക്കുന്നതും നല്ലതാണ്‌. അതിര്‍ത്തിയില്‍ തോടോ അല്ലെങ്കില്‍ അടുത്ത ഭൂമി നിങ്ങളുടെ ഭൂമിയേക്കാള്‍ ഉണ്ടെങ്കില്‍ താഴ്‌ന്നതോ ആണെങ്കില്‍ അവിടെ കല്ലുകൊണ്ട്‌ കെട്ടുന്നത്‌ മണ്ണൊലിപ്പു തടയുവാന്‍ നല്ലതാണ്‌. ചുരുങ്ങിയ പക്ഷം രാമച്ചം മുതലായ മണ്ണൊലിപ്പുതടയാന്‍ സഹായിക്കുന്ന സസ്യങ്ങള്‍ നട്ടുപിടിപ്പിക്കുകയും ആകാം.

ആധാരം റെജിസ്റ്റര്‍ ചെയ്യുന്നതിനു മുമ്പെ പ്രസ്തുത സ്ഥലത്ത്‌ നിര്‍മ്മാണപ്രവര്‍ത്തനങ്ങള്‍ നടത്തതിരിക്കുന്നതാണ്‌ നല്ലത്‌. അതുപോലെ ഭാഗം കഴിയാത്ത കുടുമ്പസ്വത്തില്‍ പുതുതായി വീടുനിര്‍മ്മിക്കുകയോ നിലവിലുള്ള വീട്‌ പുതുക്കിപ്പണിയുകയോ ചെയ്യുമ്പോള്‍ നിലവില്‍ അതിന്റെ ഉടമസ്ഥവകാശം നിക്ഷിപ്തമായ അധികാരപ്പെട്ടവരില്‍ നിന്നും അനുമതി എഴുതിവാങ്ങിക്കുന്നത്‌ നല്ലതായിരിക്കും,പിന്നീട്‌ ഭാഗസമയത്തുണ്ടായേക്കാവുന്ന പ്രശ്നങ്ങള്‍ ഒഴിവാക്കാം.

ഓര്‍ക്കുക വാക്കാലുള്ള ഉറപ്പുകള്‍ക്ക്‌ നിയമപരമായ നിലനില്‍പ്പില്ല.

Friday, September 29, 2006

പ്ലാന്‍



നാലോ അഞ്ചോ സെന്റ്‌ സ്ഥലത്ത്‌ നിര്‍മ്മിക്കാവുന്ന ഒരു വീടിന്റെ പ്ലാനാണ്‌ ഇതോടൊപ്പം ചേര്‍ത്തിരിക്കുന്നത്‌. 1490 ചതുരശ്ര അടിയാണിതിന്റെ ഏരിയ.ഡബില്‍ ഹൈറ്റില്‍ ലിവിങ്ങ്‌ റൂ കൊടുത്തിരിക്കുനതിനാല്‍ വീടിനകത്ത്‌ വലിപ്പവും കൂടുതല്‍ തോന്നിക്കുകമാത്രമല്ല വായുവും വെളിച്ചവും കടന്നുവരുവാനും സഹായിക്കുന്നു. വാഷ്ബേസില്‍ കോണിയുടെ അടിയില്‍ സ്ഥാപിക്കാവുന്നതാണ്‌.താഴത്തെ നിലയിലെ ബെഡ്രൂം പ്രായമായവര്‍ക്കും മുകളിലെ ബെഡ്രൂം നമ്പര്‍ 3 മാസ്റ്റര്‍ ബെഡ്രൂമായും ഉപയോഗിക്കാം. മുകളിലെ നിലയില്‍ രണ്ടാമത്തെ ബെഡ്രൂം കുട്ടികള്‍ക്കായി നീക്കിവെക്കാം.

Saturday, September 23, 2006

ഒന്നു ചിന്തിക്കുക


എന്റെ ഒരു സുഹൃത്തിനു വേണ്ടി തൃശ്ശൂര്‍ ജില്ലയില്‍ തൃപ്രയാറുള്ള ഒരു വാസ്തുവിദഗ്ദന്‍ തയ്യാറാക്കിയ പ്ലാനാണിതോടൊപ്പം ചേര്‍ക്കുന്നത്‌. .സുഹൃത്തും വാസ്തുവിനെ അന്ധമായി പിന്തുടരുന്ന ഒരു വ്യക്തിയായതിനാല്‍ എന്റെ യുക്തികള്‍ അവിടെ വിലപ്പോയില്ല. ജീവിതത്തില്‍ സുഖം ദു:ഖം മരണം ജനനം സമ്പത്ത്‌ ദാരിദ്രം എന്നിവ ഒഴിവാക്കാനാകാത്ത ഘടകങ്ങളാണ്‌. പൂര്‍ണ്ണമായും വാസ്തുപ്രകാരം വീടുവെച്ചാല്‍ എല്ലാ പ്രശ്നങ്ങള്‍ക്കും പറിഹാരമായി എന്ന് വിശ്വസിക്കുന്നവരുടെ എണ്ണം അനുദിനം കൂടിക്കൊണ്ടിരിക്കുകയാണ്‌. വാസ്തുവിലെ ഉപകാരപ്രദമായ ചില ഘടകങ്ങള്‍ സ്വീകരിച്ച്‌ ഭാക്കി തള്ളിക്കളയുക എന്നല്ലാതെ മറിച്ചുള്ള സമീപനം ഒരുപാട്‌ ബുദ്ധിമുട്ടുകള്‍ ഉണ്ടാക്കും. നാട്ടിന്‍പുറങ്ങളിലെ തച്ചുശാസ്ത്രഞ്ഞര്‍ രൂപകല്‍പ്പന ചെയ്യുന്ന വീടുകളില്‍ സാധാരണയായി ഒത്തിരി അപാകതകളും അസൗകര്യങ്ങളും കാണാം.

ഞാന്‍ കേമനാണെന്നും മറ്റുള്ളവര്‍ മോശമാണെന്നും സമര്‍ഥിക്കുവാനുള്ള ശ്രമമായി ദയവായി കാണരുത്‌.പൂര്‍ണ്ണമായും അപാകതകള്‍ ഇല്ലാത്ത പ്ലാനുണ്ടാക്കാന്‍ എനിക്കാകും എന്ന് ഇതിനര്‍ഥമില്ല.വാസ്തുവിന്റെ പേരില്‍ നടക്കുന്ന ചൂഷണങ്ങളെ ചൂണ്ടിക്കാണിക്കുവാന്‍ വേണ്ടി മാത്രം ഇതിവിടെ പ്രസിദ്ധീകരിക്കുന്നു.

നിങ്ങളുടെ വീടു രൂപകല്‍പ്പന ചെയ്യുമ്പോള്‍ ഒരു ആര്‍ക്കിടെക്റ്റിന്റെയോ നല്ല ഡിസൈനറുടേയോ ഉപദേശം തേടുക.ആര്‍ക്കിടെക്റ്റുകള്‍ ചിലവേറിയവീടുകള്‍ മാത്രമേ ഡിസൈന്‍ ചെയ്യൂ എന്നത്‌ തെറ്റായ ധാരണയാണ്‌. ഡിസൈന്‍ ചാര്‍ജ്ജ്‌ അല്‍പ്പം കൂടിയാലും ഒത്തിരി അനാവശ്യചിലവുകള്‍ ഒഴിവാക്കാനും സൗകര്യമുള്ളതും നിങ്ങളുടേ ആഗ്രഹങ്ങളെ ഉള്‍ക്കൊള്ള്തുന്നതുമായ പ്ലാനുകള്‍ നല്‍കുവാന്‍ തീര്‍ച്ചയായും വിദഗ്ദനായ ഒരു ആര്‍ക്കിടെക്റ്റിനു കഴിയും.ഇതോടൊപ്പം ചേത്തിരിക്കുന്ന പ്ലാനിലെ ഒരു ബെഡ്‌ റൂമിനു സ്വകാര്യതയില്ല. മറ്റൊന്നിനു റ്റോയ്‌ലറ്റിനു വെന്റിലേഷന്‍ ഇല്ല.സ്റ്റെയര്‍കേസിനു വേണ്ടത്ര നീളം നല്‍കിയിട്ടില്ല. ഡൈനിങ്ന്‍ഘാളിനു വെന്റിലേഷന്‍ വേണ്ടത്ര ലഭിക്കില്ല. അതങ്ങിനെ നീണ്ടുപോകുന്നു.

ഒന്നു ചിന്തിക്കുക വാസ്തുശാസ്ത്രഞ്ജന്മാര്‍ എന്ന ബോര്‍ഡും തൂക്കിയിരിക്കുന്നവര്‍ പലപ്പോഴും കെട്ടിടം ഡിസൈനിങ്ങിന്റെ അടിസ്ഥാനം പോലും അറിയുന്നവര്‍ ആയിരിക്കില്ല.നിങ്ങള്‍ ലക്ഷങ്ങള്‍ മുടക്കിയണ്‌ വീടുണ്ടാക്കാന്‍ പോകുന്നത്‌ തീര്‍ച്ചയായും വേണ്ടത്ര മുന്നൊരുക്കങ്ങള്‍ നടത്തി നിരവധി വീടുകള്‍ കണ്ടും അതേകുറിച്ച്‌ ചര്‍ച്ചകള്‍ നടത്തിയും മാത്രം ഒരു തീരുമാനത്തില്‍ എത്തുക.

Thursday, September 21, 2006

പ്ലാന്‍-3

പ്ലാന്‍ No:3ലിവിങ്ങ്‌ റൂം ഡബിള്‍ ഹൈറ്റില്‍ ആണിവിടെ കാണിച്ചിരിക്കുന്നത്‌. കൂടുതല്‍ വെന്റിലേഷനും മുകള്‍നിലയുമായി ഒരു ഇന്ററാക്ഷനും ഇതുമൂലം സാധിക്കുന്നു.മുകള്‍ നിലയില്‍ മുന്‍ഭാഗത്തുള്ള ബെഡ്ര് റൂം എടുത്ത്‌ എലിവേഷന്‍ മൂന്ന് ലെവലുകളില്‍ ആയി ഡിസൈന്‍ ചെയ്താല്‍ വളരെ മനോഹരമായിരിക്കും.ഇതിന്റെ ഏരിയ 1216 ചതുരശ്ര അടിയാണ്‌ (കാര്‍പോര്‍ച്ച്‌ ഒഴിവാക്കിക്കൊണ്ട്‌)

Sunday, September 17, 2006

കുട്ടികളുടെ മുറി.

മാതാപിതാക്കളുടെ ശ്രദ്ധേത്തുന്നിടത്തായിരിക്കണം കുട്ടികള്‍ക്കായുള്ള മുറികള്‍ ഒരുക്കേണ്ടത്‌.രക്ഷിതാക്കളുടെ കിടപ്പുമുറിയോട്‌ ചേര്‍ന്നും ആകാം. രണ്ടു മുറികളേയും ബന്ധിപ്പിച്ചുകൊണ്ട്‌ ഒരു വാതില്‍ കൊടുത്താല്‍ മതി. എപ്പോഴും കുട്ടികളുടെ മുറികള്‍ രക്ഷിതാക്കള്‍ കിടക്കുന്ന ഫ്ലോറില്‍ തന്നെ ആയിരിക്കണം.വായു വെളിച്ചം എന്നിവധാരാളം ലഭിക്കത്തക്ക വിധത്തില്‍ ആയിരിക്കണം ജനലുകള്‍ ക്രമീകരിക്കേണ്ടത്‌.ജനലുകള്‍ തുറക്കുന്നത്‌ ഒരു വൃീത്തിഹീനമായ അന്തരീക്ഷത്തിലേക്കായിരിക്കരുത്‌.കുട്ടികളുടെ മുറിക്ക്‌ പുറത്ത്‌ പൂന്തോട്ടം നല്‍കുന്നത്‌ കൂടുതല്‍ നന്നായിരിക്കും.

ചുവരുകള്‍ക്ക്‌ നിറം നല്‍കുമ്പോള്‍ കുട്ടികളെ അലോസരപ്പെടുത്തുന്ന കടും വര്‍ണ്ണങ്ങള്‍ ഒഴിവാക്കണം. കുട്ടികള്‍ക്കിഷ്ട്ടപ്പെടുന്ന രീതിയില്‍ ഒന്നിലധികം നിറങ്ങള്‍ ചുവരുകളില്‍ കൊടുക്കാം.നിറങ്ങളില്‍ മഞ്ഞ ഇളം പച്ച ഫ്ലൂറസന്റ്‌ നിറങ്ങള്‍ തുടങ്ങിയവ കുട്ടികള്‍ കൂടുതല്‍ ഇഷ്ട്ടപ്പെടുന്നു. മനോഹരമായ ചിത്രങ്ങള്‍ കാര്‍ട്ടൂണ്‍ കഥാപാത്രങ്ങള്‍ എന്നിവ ചുമരുകളെ അലങ്കരിക്കട്ടെ. പ്രത്യേകം പഠനമുറി ഇല്ലെങ്കില്‍ പഠിനമേശയും മറ്റും വരുന്ന ഏരിയായില്‍ ചിത്രങ്ങളും മറ്റും ഒഴിവാക്കുന്നതായിരിക്കും അഭികാമ്യം. കഴുകി വൃത്തിയാക്കാവുന്ന വിധത്തിലുള്ള പെയ്ന്റുകള്‍ തിരഞ്ഞെടുക്കുന്നത്‌ നല്ലതാണ്‌.കുട്ടികള്‍ക്ക്‌ എഴുതുവാനും വരക്കാനും ഒരു ബോര്‍ഡ്‌ ചുവരില്‍ ഫിക്സ്ചെയ്ത്‌ കൊടുക്കാവുന്നതാണ്‌. ചുവരില്‍ കരിക്കട്ടകൊണ്ട്‌ ജീവന്‍ തുടിക്കുന്ന ചിത്രങ്ങള്‍ വരച്ചിട്ട കൊച്ചുകുട്ടിയാണ്‌ പിന്നീട്‌ ലോകപ്രശസ്തനായ രാജാരവിവര്‍മ്മ എന്ന് ഈയവസരത്തില്‍ ഓര്‍ക്കുകയാണ്‌.


കസാരകള്‍, കട്ടിലുകള്‍ എന്നിവ ഉയരം കുറഞ്ഞതും അപകടം വരുത്താന്‍ സാധ്യതകുറാഞ്ഞതുമായ തരത്തില്‍ ഉള്ളവ ആയിരിക്കണം. അവക്കും ആകര്‍ഷകമായ നിറങ്ങള്‍ നല്‍കാം. കമ്പ്യൂട്ടര്‍ കുട്ടികളുടെ മുറിയില്‍ നിന്നും മറ്റീവ്ക്കുന്നതാകും ഉചിതം. നിര്‍ബന്ധമാണെങ്കില്‍ ഇന്റര്‍നെറ്റ്‌ ഗെയിംസ്‌ സി.ഡി. ഫ്ലോപ്പി എന്നിവ നിങ്ങളുടെ അനുമതിയോടെ മാത്രം ഉപയോഗിക്കത്തക്ക വിധത്തില്‍ സെറ്റിങ്ങ്സുകള്‍ ക്രമീകരിച്ചിരിക്കണം.വസ്ത്രങ്ങള്‍ കളിപ്പാട്ടങ്ങള്‍ എന്നിവ വെക്കുവാന്‍ പ്രത്യേകം ഷെല്‍ഫുകള്‍ നല്‍കാം. അഴുക്കായ വസ്ത്രങ്ങള്‍ ഇടുവാന്‍ ബാസ്കറ്റുകള്‍ നല്‍കാം.റ്റോയ്‌ലറ്റ്‌ എപ്പോഴും വൃത്തിയായി ഇരിക്കുവാന്‍ ശ്രദ്ധിക്കണം. സ്കൂള്‍ബാഗ്‌ മറ്റ്‌ പഠനോപകരണങ്ങള്‍ എന്നിവ അലസമായി വലിച്ചിടാതിരിക്കുവാന്‍ അവ വെക്കുവാനും ഉള്ള സംവിധാനം ഒരുക്കുന്നത്‌ നല്ലതാണ്‌. ഒന്നിലധികം പേര്‍ ഒരു മുറി ഉപയോഗിക്കുന്നു എങ്കില്‍ പ്രത്യേകം കട്ടിലും മേശയും മറ്റും നല്‍കേണ്ടതാണ്‌.

Saturday, September 09, 2006

അടുക്കള

സൗകര്യത്തോടൊപ്പം സൗന്ദര്യവും എന്നതാണ്‍ പുതിയ അടുക്കളകളുടെ മുഖമുദ്ര.പുകയും കരിപിടിച്ചുകിടന്നിരുന്ന പഴയകാല അടുക്കളകള്‍ പോയിമറഞ്ഞിരിക്കുന്നു. ആധുനിക വീടുകളില്‍ ലിവിങ്ങ്‌ റൂ കഴിഞ്ഞാല്‍ ഏറ്റവും കൂടുതല്‍ ശ്രദ്ധിക്കപ്പെടുന്നിടം അടുക്കളയാണെന്ന് പറയാം. മോഡുലാര്‍കിച്ചണുകളുടെ ഒരു തരംഗം തന്നെയാണിന്ന് കേരളത്തില്‍.


സാധാരണ അടുക്കള നിര്‍മ്മിക്കുമ്പോള്‍ ശ്രദ്ധിക്കേണ്ട കാര്യങ്ങള്‍.

വായുവും വെളിച്ചവും യഥേഷ്ട്ടം ലഭിക്കുന്നിടത്തായിരിക്കണം.അതുകൊണ്ടുതന്നെ വടക്ക്‌ കിഴക്ക്‌ ദിക്കിലോ തെക്കുകിഴക്ക്‌ ദിക്കിലോ ആക്കിയാല്‍ നന്നായിരിക്കും.പധാന അടുക്കളയില്‍ ഫ്രിഡ്ജ്ജ്‌,വാഷ്ബേസിന്‍, ഗ്യാസ്‌ അടുപ്പ്‌ എന്നിവ സി ഷേപ്പില്‍ വരുന്ന രീതിയില്‍ ക്രമീകരിച്ചാല്‍ ഉപയോഗിക്കുന്നവര്‍ക്ക്‌ എളുപ്പമായിരിക്കും. plan no 1 ല്‍ കൊടുത്തിരിക്കുന്നതു നോക്കുക.ഫ്രിഡ്ജ്‌ വെറ്റ്‌ ഗ്രൈന്റര്‍ മിക്സി എന്നിവക്കുള്ള സ്ഥാനം മുന്‍പേ തീരുമാനിച്ചാല്‍ ഇലക്ട്രിക്ക്‌ കണക്ഷനുള്ള പ്ലഗ്ഗു അതിനനുസരിച്ച്‌ കൊടുക്കാവുന്നതാണ്‍.അടുക്കളയില്‍ കൊടുക്കുന്ന പ്ലാറ്റ്‌ ഫോമിനു 80-100 സെന്റീ മീറ്റര്‍ വരെ ഉയരവും 60 സെന്റീ മീറ്റര്‍ വീതിയുമാണ്‍ നല്‍കാറുള്ളത്‌.kitchen sing ഉപഭോക്താവിന്റെ താല്‍പ്പര്യത്തിനനുസരിച്ച്‌ തിരഞ്ഞെടുക്കുവാന്‍ നിരവധി ആകൃതിയിലും വലിപ്പത്തിലും വിപണിയില്‍ സുലഭമാണെങ്കിലും എളുപ്പത്തില്‍ തുരുമ്പ്‌ പിടിക്കാത്തവ വേണം തിരഞ്ഞെടുക്കാന്‍. അതില്‍ നിന്നും പുറത്തേക്കുള്ള വെള്ളം തടസ്സമില്ലാതെ പോകുവാന്‍ തക്ക വിധത്തിലായിരിക്കണം പ്ലബിങ്ങ്‌ ചെയ്യേണ്ടത്‌.അടുക്കളയോടു ചേര്‍ന്നാണ്‍ ഡൈനിങ്ങ്‌ റൂമെങ്കില്‍ ചുമരില്‍ ഒരു ചെറിയ ഓപ്പണിങ്ങ്‌ നല്‍കി ആഹാരസാധനങ്ങള്‍ അതിലൂടെ കൊടുക്കാം. അടുക്കളയില്‍ ഒരു ചെറിയ ടേബിള്‍ ഇടുവാന്‍ ഉള്ള സൗകര്യം ഉണ്ടെങ്കില്‍ കുടുമ്പാംങ്കങ്ങള്‍ക്ക്‌ അവിടെയിരുന്ന് ഭക്ഷണം കഴിക്കുകയുമാകാം.

അടുക്കളയിലെ പ്ലാറ്റ്‌ ഫോമില്‍ ടെയിലോ മാര്‍ബിളോ നല്‍കാം. ഈ പ്ലാറ്റ്‌ ഫോമില്‍ നിന്നും 30 സെന്റീമീറ്റര്‍ എങ്കിലും ഉയരത്തില്‍ ആയിരിക്കണം അടുക്കളയുടെ ജനലിന്റെ അടിഭാഗം.പ്ലാറ്റ്‌ ഫോമിന്റെ അടിഭാഗത്ത്‌ ഷേല്‍ഫുകള്‍ നിര്‍മ്മിച്ച്‌ സാധനങ്ങള്‍ സൂക്ഷിക്കുവാന്‍ ഇടം കണ്ടെത്താം. പ്ലാറ്റ്‌ ഫോമിനു മുകളില്‍ ഷെല്‍ഫുകള്‍ അത്യാവശ്യത്തിനു മാത്രം നല്‍കുക. അനാവശ്യമായി നല്‍കുന്ന ഷെല്‍ഫുകള്‍ അഭംഗിമാത്രമല്ല അടുക്കളയുടെ വലിപ്പത്തെ കുറക്കുക മാത്രമല്ല അതിനുമുകളില്‍ വൃത്തിയാക്കുവാന്‍ ബുദ്ധിമുട്ടുമാണ്‍. ഈ ഷെല്‍ഫുകള്‍ 180 സെന്റീമീറ്റര്‍ ഉയരത്തില്‍ നിന്നായിരിക്കണം ആരംഭിക്കുന്നത്‌. ക്രോക്കറികള്‍ വെക്കുന്നതിനാല്‍ ഇതിന്റെ കതകില്‍ ഗ്ലാസ്സ്‌ കൊടുത്താല്‍ നന്നായിരിക്കും.അഴുക്കുകള്‍ എളുപ്പത്തില്‍ കാണാതിരിക്കുവാന്‍ കടും നിറത്തിലുള്ള ടയിലുകള്‍ പതിക്കുന്ന ഒരു പ്രവണത നമുക്കുണ്ട്‌.ഇതു നല്ലതല്ല. തീരെ കടും നിറങ്ങളും ഇളം നിറങ്ങളും ഒഴിവാക്കുക.വേസ്റ്റുകള്‍ ഇടുവാനായി ഒരു പാത്രം താഴത്തെ ഷെല്‍ഫിനകത്ത്‌ ഒളിപ്പിച്ചു വെക്കാം.

തുടരും...


* വാസ്തു പ്രകാരം വടക്കുകിഴക്കു ദിശയും തെക്ക്‌ കിഴക്ക്‌ ദിശയും ആണ്‍ അടുക്കളക്ക്‌ നിര്‍ദ്ദേശിച്ചിട്ടുള്ളത്‌. 402 x 330 സെന്റീ മീറ്റര്‍ നല്ല ഒരു അളവായും പറഞ്ഞിരിക്കുന്നു.

Tuesday, September 05, 2006

ഓണാശംസകള്‍

പാര്‍പ്പിടം ബ്ലോഗ്ഗിന്റെ എല്ലാ നല്ലവരായ വായനക്കാര്‍ക്കും എന്റെ ഹൃദയം നിറഞ്ഞ ഓണാശംസകള്‍.സാമൃദ്ധിയും സമത്വവും നിറഞ്ഞ്‌ ഒരു സുവര്‍ണ്ണ കാലഘട്ടത്തിന്റെ ഈ ഓര്‍മ്മപുതുക്കല്‍ സ്നേഹത്തിന്റേയും സാഹോദര്യത്തിന്റെയും മഹത്തായ മൂല്യങ്ങള്‍ ഉയര്‍ത്തിപ്പിടിക്കുവാനാകട്ടെ.

Thursday, August 31, 2006

പ്ലാന്‍-2



നടുമുറ്റം ഉള്‍പ്പെടുത്തിക്കൊണ്ടുള്ള ഒരു പ്ലാനാണ്‍ ഇത്‌.ഇവിടെ സുരക്ഷക്ക്‌ വേണ്ടമുന്‍ കരുതലുകളെക്കുറിച്ച്‌ മറ്റൊരു പോസ്റ്റിങ്ങില്‍ കൊടുത്തിട്ടുണ്ട്‌. ബെഡ്രൂം 3 ക്രോസ്‌ വെന്റിലേഷന്‍ ലബിക്കില്ല എന്നതും ഡൈനിങ്ങ്‌ ഏരിയായില്‍നിന്നും പുറത്തേക്ക്‌ തുറക്കാവുന്ന ജനല്‍ ഇല്ലാ എന്നതും ഇതിന്റെ ഒരു പ്രധാന പരിമിതിയാണ്‍.നടുമുറ്റം ഉള്ളതിനാല്‍ വെളിച്ചവും വായുവും നല്ലവണ്ണം ലഭിക്കും എങ്കിലും ഇവിടെനിന്നും പുറത്തേക്കുള്ള കാഴ്ച്‌ ലഭിക്കില്ല. ഡൈനിങ്ങ്‌ ഏരിയായിലെ വാഷ്ബേസിനു മുകളിലായി 2.3 മീറ്റര്‍ ഉയരത്തില്‍ തുടങ്ങി മുകളിലോട്ട്‌ 1.80x0.60 വലിപ്പത്തില്‍ ഒരു ഫിക്സഡ്‌ വിന്റോ നല്‍കിയാല്‍ കൂടുതല്‍ വെളിച്ചം ലബിക്കും.ഇതിനായി വര്‍ക്ക്‌ ഏരിയായുടെയും അതിനോടുചേര്‍ന്നുള്ള റ്റൊയ്‌ലറ്റിന്റെയും റൂഫ്‌ 2.10 മീറ്റര്‍ ഉയരത്തില്‍ കോണ്‍ക്രീറ്റ്‌ ചെയ്താല്‍ മതി. ഈ വിന്റോയില്‍ വെക്കുന്ന ഗ്ലാസ്സില്‍ പയ്ന്റിങ്ങുകള്‍ നല്‍കിയാല്‍ കൂടുതല്‍ ആകര്‍ഷകമായിരിക്കും.കിച്ചണിന്റെ കിഴക്കുവശത്തേക്ക്‌ വര്‍ക്കേരിയായും റ്റോയ്‌ലറ്റും മാറ്റിയാല്‍ ഈ പ്രശ്നം ഒഴിവാക്കുകയും ചെയ്യാം. (പ്ലാനുകള്‍ തയ്യാറാക്കുന്നത്‌ സ്തലത്തിന്റെ വലിപ്പം മറ്റു പ്രത്യേകതകള്‍ ബില്‍ഡിങ്ങ്‌ റൂള്‍സ്‌ വീടെടുക്കുന്നവ്യക്തിയുടെ താല്‍പ്പര്യം എന്നിങ്ങനെ ചില ഘടകള്‍ക്കനുസരിച്ചാണ്‍ എന്ന് പ്രത്യേകം പറയേണ്ടല്ലോ?)

കാര്‍പോര്‍ച്ച്‌ ഒഴിവാക്കി നടുമുട്ടം ഉള്‍പ്പെടെ 1650 ചതുരശ്ര അടിയാണിതിന്റെ ഏരിയ.

Wednesday, August 30, 2006

വാസ്തു; ഒരു കുറിപ്പ്‌.

വാസ്തുവിനെക്കുറിച്ച്‌ ആധികാരികമായി പറയുവാനോ അതിനെ ശാസ്ത്രീയമായി വിശകലനം ചെയ്യുവാനോ എനിക്ക്‌ സാധിക്കും എന്നു തോന്നുന്നില്ല. എന്നാല്‍ ഇന്ന് വ്യാപകമായി ആളുകള്‍ ഇതിന്റെ പുറകെ പോകുകയും പലവിധത്തിലുള്ള ഉപദേശങ്ങള്‍ പലരില്‍ നിന്നും ലഭിക്കുകയും അതിനനുസരിച്ച്‌ ഗൃഹം നിര്‍മ്മിക്കുകയും ചെയ്യുന്നു. ഓരോ വ്യക്തിക്കും പൂര്‍ണ്ണമായും വാസ്തു "ശാസ്ത" പ്രകാരം ഒരു കെട്ടിടം നിര്‍മ്മിക്കുക ഇന്നത്തെ കാലത്ത്‌ സാധ്യമാണെന്ന് തോന്നുന്നില്ല. എല്ലാ വീടിനും കിഴക്കുവശത്തു കിച്ചണ്‍ കൊടുക്കുക എന്നതും തെക്കുപടിഞ്ഞാറു ഭാഗത്ത്‌ മാസ്റ്റര്‍ബെഡ്രൂം കൊടുക്കുക എന്നതും പ്രായോഗികമല്ല. അതു കെട്ടിടം വെക്കുന്ന ഭൂമിയുടേയും അതിനോടനുബന്ധിച്ചുള്ള റോഡ്‌, അടുത്തകെട്ടിടങ്ങള്‍ തുടങ്ങിയവയെ ആശ്രയിച്ചിരിക്കും.ഈ ബ്ലോഗില്‍ വാസ്തുസമ്പന്ധമായി വരുന്ന പരാമര്‍ശങ്ങള്‍ പല ഗ്രന്ധങ്ങളില്‍ നിന്നും ലഭിച്ചവയോ ഇതുസമ്പന്ധിച്ച്‌ വരുന്ന ലേഖനങ്ങള്‍ ചര്‍ച്ചകള്‍ അഭിമുഖങ്ങള്‍ എന്നിവയില്‍ പരാമശിക്കപ്പെട്ടവയോ ആണു. വാസ്തുവില്‍ താല്‍പ്പര്യമുള്ളവര്‍ക്ക്‌ പ്രയോജനപ്പെടും എന്നുകരുതിയാണ്‍ ഞാന്‍ ഇവ ചേര്‍ക്കുന്നത്‌. വാസ്തുവിനെ പ്രമോട്ട്ചെയ്യുക എന്നതല്ല ലക്ഷ്യം.


വാസ്തു ശാസ്ത്രജ്നര്‍ എന്നപേരില്‍ വേണ്ടത്ര പരിഞ്ജാനമില്ലാത്ത ഒത്തിരി ആളുകള്‍ ഇന്നു ബോര്‍ഡും തൂക്കി ഇരിപ്പുണ്ട്‌.ജനങ്ങള്‍ ഇത്തരം വിശ്വാസങ്ങളില്‍ നിന്നുകൊണ്ട്‌ ഗൃഹനിര്‍മ്മാണം നടത്തണം എന്ന് നിര്‍ബന്ധം പിടിക്കുമ്പോള്‍ അതിനൊരു പോംവഴി എന്ന നിലക്ക്‌ പൊതുവായി സ്വീകരിക്കാവുന്ന ചില കാര്യങ്ങള്‍ ഉള്‍ക്കൊള്ളിച്ചുകൊണ്ട്‌ കെട്ടിടം ഡിസൈന്‍ ചെയ്യുക എന്നതേ നിവൃത്തിയുള്ളൂ.പണ്ടത്തെ ആശാരിമാര്‍ കെട്ടിടത്തിന്റെ അളവുകള്‍ക്ക്‌ ഒരു ഏകീകൃതമായ പട്ടിക തയ്യാറാക്കുകയും അതനുസരിച്ച്‌ അന്നുകാലത്ത്‌ ഗൃഹങ്ങള്‍ നിര്‍മ്മിക്കുകയും ചയ്തിരുന്നു. മരം കൊണ്ടുള്ള മേല്‍ക്കൂരകള്‍ നിര്‍മ്മിക്കുമ്പോള്‍ അവര്‍ക്ക്‌ ഇത്തരം കണക്കുകള്‍ വളരെയധികം പ്രയോജനപ്പെട്ടിരിക്കാം.അവയെ അവര്‍ വിശ്വാസങ്ങളുമായി കോര്‍ത്തിണക്കുകയും ചെയ്തിരുന്നു. എന്നാല്‍ ഇന്നത്തെ സാഹചര്യങ്ങള്‍ മാറി എന്നത്‌ നാം അംഗീകരിച്ചേ മതിയാകൂ.


അതതു കാലഘട്ടങ്ങള്‍ക്കനുസരിച്ച്‌ രൂപപ്പെടുന്ന വിശ്വാസങ്ങളും എഴുതപ്പെടുന്ന ഗ്രന്ഥങ്ങളും പിന്നീട്‌ കാലഘട്ടത്തിനനുസരിച്ച്‌ മാറ്റപ്പെടേണ്ടതാണ്‍. അല്ലാത്തപക്ഷം അതു നമ്മെ മാനസീകമായും സാമൂഹികപരമായും ശിലായുഗത്തിലേക്ക്‌ കൊണ്ടെത്തിക്കും.

മനുഷ്യശരീരത്തിനു ചുറ്റും ഒരു ഓറയുണ്ടെന്നും അതില്‍ അസുഖം വരുമ്പോഴും മാനസീകപിരിമുറുക്കം അനുഭവപ്പെടുമ്പോളും നെഗേറ്റെവ്‌ എനര്‍ജ്ജി കൂടുതല്‍കാണീക്കും എന്നും ഒക്കെ തെളിയിക്കപ്പെട്ടിട്ടുള്ളതല്ലെ? റിക്കി എന്ന സമ്പ്രദായം തന്നെ ഇതിനെ അടിസ്താനപ്പെടുത്തി രൂപം കൊടുത്തിട്ടുള്ളതാണ്‍.ശരീരത്തിന്റെ തലഭാഗം നോര്‍ത്ത്‌ പോള്‍ എന്ന സങ്കല്‍പ്പം ചില ബുക്കുകളില്‍ നിന്നും ലഭിച്ചതാണ്‍. തെക്കുഭാഗത്തേക്ക്‌ തലവെക്കുന്നതിനു ശാസ്ത്രീയ വിശകലനം എന്നനിലക്കാണ അതില്‍ കണ്ടത്‌.പൂര്‍ണ്ണമായും തള്ളിക്കളയാന്‍ സാധിക്കാത്തതും എന്നാല്‍ ശാസ്ത്രീയമായി തെളിയിക്കാത്തതുമായ ഒത്തിരി കാര്യങ്ങള്‍ ഇല്ലെ?

Tuesday, August 29, 2006

കിടപ്പുമുറി

നമ്മള്‍ ഒരു വീട്ടില്‍ ഏറ്റവും അധികം സമയം ചിലവഴിക്കുന്ന ഒരിടാമാണ കിടപ്പുമുറികള്‍. കിടപ്പുമുറികള്‍ ക്രമീകരിക്കുമ്പോള്‍ പ്രധാനമായും ശ്രദ്ധിക്കേണ്ടത്‌ അതിന്റെ സ്വകാര്യതയും വായു വെളിച്ചം എന്നിവ യഥേഷ്ട്ടം ലഭിക്കാനുള്ള സാധ്യതയാണ്‍. കിടപ്പുമുറിയില്‍ കട്ടില്‍ ഇടുമ്പോള്‍ കിടക്കുന്ന ആളിന്റെ തല കിഴക്കോട്ടോ തെക്കോട്ടോ വരുന്ന രീതിയില്‍ ആയിരിക്കണം ക്രമീകരിക്കുന്നത്‌.തല തെക്കോട്ട്‌ വെക്കുവാന്‍ പാടുണ്ടോ എന്നത്‌ പലര്‍ക്കും സംശയം ഉണ്ടാക്കുന്ന സംഗതിയാണ്‍.നമ്മുടെ ശരീരം ഒരു കാന്തമായി കരുതുക. തല അതിന്റെ നോര്‍ത്ത്‌ പോളാണത്രെ അപ്പോള്‍ വിജാതീയ ദ്രുവങ്ങള്‍ ആകര്‍ഷിക്കും എന്ന തത്വമനുസരിച്ച്‌ നോര്‍ത്ത്‌ പോള്‍ ആയ തല സൗത്ത്‌ പോളില്‍ വെക്കുന്നതിന്‍ വിരോധം ഇല്ല. ഒരു കട്ടിലിന്റെ സാധാരണവലിപ്പം 2മീറ്റര്‍ നീളവും 1.5 or 1.8 മീറ്റര്‍ വീതിയും ആണ്‍ എന്ന് കണക്കാക്കിയാല്‍ ചുരുങ്ങിയത്‌ ഒരു കിടപ്പുമുറിക്ക്‌ 2.80 x 3.00 മീറ്റര്‍ എങ്കിലും നീളവും വീതിയും വേണം. വാസ്തുപ്രകാരം 3.30x4.02, 3.30x4.26 (മീറ്റര്‍) എന്നിവയാണ്‍ സാധാരണ നല്‍കുന്ന അളവുകള്‍.

കട്ടില്‍കൂടാതെ വസ്ത്രങ്ങള്‍ സൂക്ഷിക്കുവാന്‍ "ബില്‍റ്റ്‌ ഇന്‍" (ചുമരിനോട്‌ ചേര്‍ന്ന് ഇഷ്ട്ടികകൊണ്ട്‌ നിര്‍മ്മിച്ച) അലമാരകള്‍ നല്‍കാവുന്നതാണ്‍. ഇവ മുറിക്കുള്ളിലേക്ക്‌ പ്രൊജക്ട്‌ ചെയ്യാത്തവിധത്തില്‍ ക്രമീകരിച്ചാല്‍ നന്നായിരിക്കും.ഇതിന്റെ ഉള്‍വശം 60 സെന്റീമീറ്റരും നീളം സൗകര്യപ്രദമായ അളവിലും നല്‍കാം. ഈ മുറിയില്‍ ഒരു എഴുത്തുമേശയും ഡ്രസ്സിങ്ങ്‌ ടേബിളും നല്‍കാവുന്നതാണ്‍. കണ്ണാടികള്‍ പൊതുവേ കിടപ്പുമുറിയില്‍ വര്‍ജ്ജ്മാണത്രെ, പ്രത്യേകം ഡ്രസ്സിങ്ങ്‌ ഏരിയാ കൊടുക്കുന്നില്ലെങ്കില്‍ കിടക്കയില്‍ നിന്നും നേരിട്ട്‌ കാണാത്തവിധം കണ്ണാടി ക്രമീകരിക്കുക. കട്ടിലുകള്‍ ജനലിന്റെ അരികില്‍ നിന്നു പരമാവധി അകന്നിരിക്കുന്നത്‌ സുരക്ഷിതത്വത്തിന്‍ നല്ലതാണ്‍.പ്ലാന്‍ തയ്യാറക്കുമ്പോള്‍ തന്നെ കട്ടിലിന്റെ സ്ഥാനം മുന്‍ കൂട്ടി നിശ്ചയിച്ചല്‍ മതി. തല ജനലിനോട്‌ ചേര്‍ന്ന് വന്നാല്‍ അത്‌ സുഖകരമായ ഉറക്കത്തിനു തടസ്സമാകും.ബെഡ്രൂമിനോട്‌ ചേര്‍ന്ന് റ്റോയ്‌ലറ്റുകള്‍ ഇന്ന് സാധാരണമണല്ലോ.അവയുടെ വാതില്‍ കട്ടിലില്‍ നിന്നു പരമാവധി അകലെ ആയിരിക്കണം. അവയുടെ വാതിലിന്‍ അടിപ്പടി നല്‍കിയാല്‍ റ്റോയ്‌ലറ്റില്‍ നിന്നും വെള്ളവും നെഗ്റ്റീവ്‌ ഊര്‍ജ്ജവും കിടപ്പുമുറിയിലേക്ക്‌ വരുന്നത്‌ ഒഴിവാക്കം.ഈ റ്റൊയ്‌ലറ്റുകള്‍ വൃത്തിയായി സൂക്ഷിച്ചില്ലെങ്കില്‍ ദുര്‍ഗ്ഗന്ധം ഉണ്ടാകുകയും പലവിധ രോഗങ്ങള്‍ക്ക്‌ വഴിതെളിക്കുകയും ചയ്യും.മാസ്റ്റര്‍ ബെഡ്രൂമില്‍ ടി.വി ടെലിഫോണ്‍ എന്നിവക്ക്‌ പ്രൊഫിഷന്‍ ഇടുന്നത്‌ നല്ലതാണ്‍. അതുപോലെ വീടിനു പുറത്തെ ലൈറ്റുകള്‍ പ്രവര്‍ത്തിപ്പിക്കുവാന്‍ ഉള്ള സ്വിച്ചും കൊടുക്കാം.

* മാസ്റ്റര്‍ ബെഡ്രൂം വാസ്തു അനുസരിച്ച്‌ തെക്ക്‌ പടിന്‍ഞ്ഞാറു ഭാഗത്താണ്‍ വരേണ്ടത്‌.

സ്വീകരണ മുറി

നമ്മുടെ ഇന്നത്തെരീതിയനുസരിച്ച്‌ സിറ്റൗട്ടില്‍ നിന്നും വാതില്‍ തുറന്ന് ഒരു അദിഥി ആദ്യം കടന്നുവരുന്നത്‌ ലിവിങ്ങ്‌ റൂം എന്നും ഡ്രോയിങ്ങ്‌ റൂം എന്നും വിളിക്കപ്പെടുന്ന മുറിയിലേക്കാണ്‍. ഇവിടെ ഇരിപ്പിടങ്ങള്‍ ഭംഗിയായി ക്രമീകരിച്ചിരിക്കണം. ടി.വി യും മ്യൂസിക്ക്‌ സിസ്റ്റവുമെല്ലാം ഒരുകാലത്ത്‌ ഇവിടെ വെച്ചിരുന്നെങ്കിലും ഇന്നവക്ക്‌ പ്രത്യേകം മുറികള്‍ സജ്ജീകരിക്കുകയോ അല്ലെങ്കില്‍ ഡൈനിങ്ങ്‌ റൂമില്‍ വെക്കുകയോ ആണ്‍ പലരും ചെയ്യുന്നത്‌. ലിവിങ്ങ്‌ റൂമിലൊരു അദിഥി വന്നാല്‍ തന്നെ മറ്റുള്ളവര്‍ക്ക്‌ ശല്ല്യമുണ്ടാകാതെ ടി.വി കാണാന്‍ വേണ്ടിയാണിത്‌. ലിവിങ്ങ്‌ റൂമില്‍ അനാവശ്യമായി ഫര്‍ണ്ണീച്ചാറുകള്‍ കുത്തിനിറച്ചിടരുത്‌. സോഫകള്‍ക്കരികില്‍ സൈഡ്‌ ടേബിള്‍ ഒരു ടീപ്പോയ്‌ എന്നിവയും ക്രമീകരിക്കാം. അക്വേറിയം കൗതുകവസ്തുക്കള്‍ പെയ്ന്റിങ്ങുകള്‍ എന്നിവ ലിവിങ്ങ്‌ റൂമിനെ അലങ്കരിക്കാന്‍ ഉപയോഗിക്കാവുന്നതാണ്‍. ഒരാള്‍ നിങ്ങളുടെ വീട്ടിലേക്ക്‌ കടന്നുവരുമ്പോള്‍ അയാളെ സ്വാഗതം ചെയ്യുന്നവിധത്തില്‍ ആയിരിക്കണം ലിവിങ്ങ്‌ റൂം ഒരുക്കേണ്ടത്‌. തീര്‍ച്ചായായും നല്ല ലിവിങ്ങ്‌ റൂമുകള്‍ ആ വീട്ടില്‍ താമസിക്കുന്നവരുടെ വ്യക്തിത്വത്തെ പ്രതിഫലിപ്പിക്കുന്നു. ഇതിനര്‍ഥം വിലകൂടിയ ഫര്‍ണ്ണീച്ചറുകളുടെ ഒരു ഷോറൂ ആണ്‍ ലിവിങ്ങ്‌ റൂ എന്ന് തെറ്റിദ്ധരിച്ചിരിക്കുന്ന ഒത്തിരി ആളുകള്‍ ഉണ്ട്‌. കുട്ടികള്‍ ഉള്ള വീടാണെങ്കില്‍ ഇത്തരം ഫര്‍ണ്ണീച്ചറുകള്‍ കേടുകൂടാതെ സൂക്ഷിക്കുക ബുദ്ധിമുട്ടുള്ള കാര്യമാണ്‍. അതുപോലെ എളുപ്പം അഴുക്കുപിടിക്കുന്ന തരത്തിലുള്ള സോഫാ കവറുകള്‍ ഒഴിവാക്കുക.ജനാലകള്‍ മുറിക്ക്‌ ഇണങ്ങുന്ന വിധത്തില്‍ ഉള്ള കര്‍ട്ടനുകള്‍ കൊണ്ട്‌ അലങ്കരിക്കാം.കൂടുതല്‍ വിവരങ്ങള്‍ ചേര്‍ക്കുന്നതാണ്‍......

പ്രിയ വായനക്കാരെ,

വീടുപണീയുമ്പോള്‍ പൊതുവായിശ്രദ്ധിക്കേണ്ടകാര്യങ്ങള്‍ വാസ്തു തുടങ്ങിയ വിവിധ തലക്കെട്ടുകള്‍ ഇനിയും തയ്യാറാക്കേണ്ടതുണ്ട്‌. അത്‌ അല്‍പ്പം സമയം എടുത്ത്‌ ചെയ്യേണ്ട കാര്യങ്ങള്‍ ആയതിനാല്‍ പിന്നീട്‌ പോസ്റ്റ്‌ ചെയ്യുന്നതാണ. ജോലിത്തിരക്ക്‌ മൂലം പലപ്പോഴും കൃത്ത്യമായി അടുക്കും ചിട്ടയുമായി പ്രസിദ്ധീകരിക്കുവാന്‍ സാധിക്കുന്നില്ല.തുടര്‍ന്നും സഹകരണം പ്രതീക്ഷിക്കുന്നു.

Monday, August 28, 2006

വായുവും സൂര്യപ്രകാശവും

നമ്മുടെ പാരമ്പര്യ വിധിപ്രകാരം നിര്‍മ്മിച്ച വീടുകള്‍ക്ക്‌ തെക്കുവടക്കോ കിഴക്കുപടിഞ്ഞാറോ നേര്‍ക്കുനേരെ വാതിലുകള്‍ കാണാം.പഴയ നാലുകെട്ട്‌ എന്ന സങ്കല്‍പ്പം തന്നെ സൂര്യപ്രകാശത്തിന്റേയും വായുവിന്റേയും പ്രാധാന്യം കണക്കിലെടുത്തുകൊണ്ട്‌ തന്നെയാണ. സ്വച്ചന്ദമായി വായുസഞ്ചാരത്തിനായി പണ്ടുള്ളവര്‍ വളരെയധികം ശ്രദ്ധിച്ചിരുന്നു. ആധുനീകരീതിയില്‍ ഉള്ള കെട്ടിടങ്ങള്‍ക്ക്‌ ഇത്‌ പൂണ്ണമായും പിന്തുടരാന്‍ ആകില്ലെങ്കിലും സാധിക്കുന്നത്രയും ഉള്‍ക്കൊള്ളിക്കാവുന്നതാണ്‍.

വേണ്ടത്ര വായുസഞ്ചാരം ഇല്ലാത്ത വീടുകളില്‍ താമസിക്കുന്നവര്‍ക്ക്‌ പലവിധ മാനസീക പ്രശ്നങ്ങളും അനുഭവപ്പെടാറുണ്ട്‌. ഉദാഹരണമായി അടച്ചുമൂടിയ ഒരു മുറിയ്ക്കകത്ത്‌ ഇരിക്കുമ്പോള്‍ ചെവിയില്‍ ചൂളം അടിക്കുന്നതായി അനുഭവപ്പെടാറില്ലെ. തീര്‍ച്ചയായും അത്‌ വായു മര്‍ദ്ദത്തില്‍ ഉള്ള വ്യതിയാനം മൂലമാണ്‍.വായു ചൂടുപിടിക്കുമ്പോള്‍ സ്വാഭാവികമായും മുകളിലേക്ക്‌ പോകുന്നു.മേല്‍ക്കൂര കോണ്‍ക്രീറ്റ്‌ കൊണ്ട്‌ നിര്‍മ്മിച്ച വീടുകളില്‍ ചുമരിന്റെ മേള്‍ഭാഗത്തായി ദ്വാരം ഇടുന്നത്‌ അകത്തെ വായു പുറത്തേക്ക്‌ പോകുവാന്‍ വേണ്ടിയാണ്‍. വായുവും വെളിച്ചവും യഥേഷ്ട്ടം കടന്നുവരാന്‍ ഉള്ള സാഹചര്യം ഓരോമുറിക്കും ഉണ്ടായിരിക്കണം.രാവിലത്തെ സൂര്യപ്രകാശം ലഭിക്കുമ്പോള്‍ വിവിധ അണുക്കള്‍ നശിക്കുന്നതിനും പൂപ്പല്‍ ഉണ്ടാകാതിരിക്കുന്നതിനും വേണ്ടിയാണ്‍ അടുക്കള പരമാവധി കിഴക്ക്‌ വശത്തുവരണം എന്ന് പറയുന്നത്‌. ഡൈനിങ്ങ്‌ റൂമില്‍ വേണ്ടത്ര വായുസഞ്ചാരം ലഭിച്ചില്ലെങ്കില്‍ ഭക്ഷണത്തിന്റെ ഗന്ധം വീടിനകത്താകെ നിറഞ്ഞു നില്‍ക്കും.കിടപ്പുമുറികള്‍ക്ക്‌ ക്രോസ്‌ വെന്റിലേഷന്‍ പരമാവധി നല്‍കാന്‍ ശ്രമിക്കണം. റ്റോയ്‌ലറ്റുകള്‍ക്ക്‌ ഒന്നോ രണ്ടോ വെന്റിലേറ്ററുകള്‍ ആകാം അവ പുറത്തേക്ക്‌ തുറക്കാവുന്ന വിധത്തില്‍ ആയിരിക്കണം വെക്കേണ്ടത്‌. സൂര്യപ്രകാശവും വായുസഞ്ചാരവും വേണ്ടത്ര ലഭിച്ചില്ലെങ്കില്‍ ദുര്‍ഗ്ഗന്ധം ഉണ്ടാകും എന്നതുമാത്രമല്ല വിവിധ തരത്തിലുള്ള രോഗങ്ങള്‍ക്കും വഴിവെച്ചേക്കും.കുട്ടികളുടെ പഠനമുറി ക്രമീകരിക്കുമ്പോള്‍ പരമാവധി പ്രകൃതിദത്തമായ പ്രകാശം ലഭിക്കാന്‍ സാധ്യതയുള്ള ഇടങ്ങളില്‍ ആയിരിക്കണം. ഇത്‌ സ്വാഭാവികമായും മനസ്സിന്‍ ഊര്‍ജ്ജം നല്‍കുന്നു.പ്രാണവായുവിന്റേയും ഊര്‍ജ്ജം പകരുന്ന സൂര്യന്റേയും പ്രാധാന്യം പറയേണ്ടതില്ലല്ലോ?

പ്ലാന്‍-1


ഒരു ഇടത്തരം കുടുമ്പത്തിനു വേണ്ടുന്ന കാര്യങ്ങള്‍ ഉള്‍ക്കൊള്ളിച്ച്‌ ഏകദേശം 1200 ചതുരശ്ര അടിയില്‍ ഒരുക്കിയ ഒരു വീടിന്റെ പ്ലാനാണ്‍ ഇതോടൊപ്പം ചേര്‍ത്തിരിക്കുന്നത്‌. ഇന്നത്തെ നിര്‍മ്മാണ ച്ചിലവ്‌ അനുസരിച്ച്‌ ഏകദേശം 550 മുതല്‍ 600 രൂപവരെ ചതുരശ്ര അടിക്ക്‌ കണക്കാക്കാവുന്നതാണ്‍. ഉപയോഗിക്കുന്ന നിര്‍മ്മാണസാമഗ്രികളുടേയും തൊഴിലാളികളുടെവേദനത്തിന്റേയും വാഹനസൗകര്യങ്ങളുടേയും മറ്റും അനുസൃതമായി ചിലവില്‍ വ്യതിയാനം ഉണ്ടാകാം.

Sunday, August 27, 2006

പടിപ്പുര

പടിപ്പുരകള്‍ ഒരുകാലത്ത്‌ ആഢ്യത്വത്തിന്റെയും അധികാരത്തിന്റേയും ചിഹ്നങ്ങള്‍ ആയിരുന്നു. പലയിടങ്ങളിലും പടിപ്പുരയോട്ചേര്‍ന്ന് ആളുകള്‍ക്ക്‌ വിശ്രമിക്കാനും സാധനങ്ങള്‍ സൂക്ഷിക്കുവാനും ഉള്ള സൗകര്യങ്ങള്‍ ഉണ്ടായിരുന്നു.പിന്നീട്‌ ആധുനികവല്‍ക്കരണത്തിന്റെ കടന്നുവരവോടെ പടിപ്പുരകള്‍ ഗൈറ്റുകള്‍ക്ക്‌ വഴിമാറി. പഴയ വേലിക്കെട്ടുകള്‍ക്കും പടിപ്പുരകള്‍ക്കും പകരം സിമെന്റില്‍ തീര്‍ത്ത മതിലുകളും ഇരുമ്പിന്റെ ഗയ്റ്റുകളും ആയി അവയുടെ സ്ഥാനത്ത്‌.വേലിക്കെട്ടിലെ കോളാമ്പിപ്പൂക്കളും ചെമ്പരത്തിയും മെയിലാഞ്ചിയും നല്‍കിയിരുന്ന പച്ചപ്പും കുളിര്‍മ്മയും നല്‍കുവാന്‍ ആധുനിക മതില്‍ക്കെട്ടുകള്‍ക്കായില്ല. ചിലര്‍ ഇത്തരം മതിലുകളില്‍ പറ്റിപ്പിടിച്ച്‌ പടര്‍ന്നുകയറുന്ന ചെടികള്‍ കൊണ്ട്‌ ആശ്വാസം കണ്ടെത്തി. ഇന്നിതാ വീണ്ടും ചില വീടുകള്‍ക്ക്‌ പടിപ്പുരകള്‍ വന്നുതുടങ്ങിയിരിക്കുന്നു. ചിലര്‍ അതിനോട്ചേര്‍ന്ന് കാര്‍പോര്‍ച്ചും ചെറിയ ഒരു ഔട്ട്‌ ഹൗസുകളും നിര്‍മ്മിക്കുവാന്‍ തുടങ്ങി.


ഗൈറ്റുകള്‍ സ്താപിക്കുമ്പോള്‍ ശ്രദ്ധിക്കേണ്ട പ്രധാന കാര്യങ്ങള്‍:
  • അവക്ക്‌ ആവശ്യത്തിനു ഉയരവും വീതിയും വേണം.
  • അനായാസം തുറക്കുവാനും നിങ്ങളുടെ സ്തലത്തേക്ക്‌ പ്രവേശിക്കുവാനും സാധിക്കുന്ന വിധത്തില്‍ ആയിരിക്കണം സ്താപിക്കുന്നത്‌.
  • റോഡിലേക്ക്‌ തുറക്കുന്ന വിധത്തില്‍ ആയിരിക്കരുത്‌ അവ സ്താപിക്കുന്നത്‌.
  • ഗൈറ്റിനെ താങ്ങിനിര്‍ത്തുന്ന തൂണുകള്‍ക്കും അതിന്റെ ഫൗണ്ടേഷനും വേണ്ടത്ര ബലമുണ്ടായിരിക്കണം. ഒരിക്കലും ഗൈറ്റ്‌ തൂങ്ങുവാന്‍ പാടില്ല.വലിയ ഗൈറ്റുകള്‍ ആണ്‍ സ്താപിക്കുന്നതെങ്കില്‍ ഏതെങ്കിലും ഒരു സൈഡില്‍ ആളുകള്‍ക്ക്‌ പ്രവേശിക്കാന്‍ പറ്റുന്ന വിധത്തില്‍ ചെറിയ ഒരു വാതില്‍ നല്‍കുന്നത്‌ നന്നായിരിക്കും. പത്രം ലെറ്റര്‍ എന്നിവ സൂക്ഷിക്കാന്‍ ഒരു ബൊക്സും ഗൈറ്റില്‍ ഘടിപ്പിക്കാവുന്നതാണ്‍.
  • സുരക്ഷക്കും സ്വകാര്യതക്കും ഒപ്പം വളര്‍ത്തുമൃഗങ്ങള്‍ പ്രത്യേകിച്ച നായ്ക്കള്‍ ഉള്ള വീടാണെങ്കില്‍ അവ പുറത്തേക്ക്‌ പോകാത്തവിധത്തില്‍ ആയിരിക്കണം ഗൈറ്റിന്റെ ഡിസൈന്‍.
  • വീട്ടിലേക്ക്‌ വരുന്നവരെ അകത്ത്‌ ടി.വിയില്‍ കാണുവാന്‍ സാധിക്കുന്ന വിധത്തില്‍ ക്യാമറകള്‍ ,അതുപോലെ രാത്രികാലങ്ങളില്‍ അപരിചിതര്‍ ആരെങ്കിലും അധിക്രമിച്ചുകടക്കാന്‍ ശ്രമിച്ചാല്‍ പ്രവര്‍ത്തിക്കുന്ന അലാറം തുടങ്ങിയവ ഗൈറ്റിനു സമീപത്ത്‌ സ്താപിക്കാവുന്നതാണ്‍.

ഒരു തുറന്ന അഭ്യര്‍ഥന

പ്രിയ സുഹൃത്തുക്കളെ,

ഗള്‍ഫിലും മറ്റുമായി കഷ്ട്ടപ്പെട്ട്‌ സമ്പാദിക്കുന്ന പണം ചിരകാലസ്വപനമായ വീടിനായി ചിലവഴിക്കുന്ന പല മലയാളിസുഹൃത്തുക്കളും പിന്നീട്‌ നിരാശരും കടുത്ത സാമ്പത്തിക പ്രതിസന്ധികളിലും ചെന്നെത്തുന്ന കാഴ്ചയണ്‍ എന്നെ ഇത്തരം ഒരു ഉദ്യമത്തിനുപ്രേരിപ്പിച്ചത്‌. മറ്റുള്ളവര്‍ക്ക്‌ ഉപകാരപ്പെടുമെങ്കില്‍ അറിയാവുന്ന കാര്യങ്ങള്‍ പകര്‍ന്നുനല്‍കുവാന്‍ സന്തോഷമേയുള്ളൂ.ഇനിയും ധാരാളം കാര്യങ്ങള്‍ ഇതില്‍ ചേര്‍ക്കണമെന്ന് ഉണ്ട്‌. പിന്നെ ബ്ലോഗ്ഗിങ്ങില്‍ വേണ്ടത്ര അവഗാഹം ഇല്ലാത്തതിനാല്‍ നിങ്ങളുടെ സഹായ സഹകരണങ്ങള്‍ ആവശ്യമാണ്‍. പ്രത്യേകിച്ചും templete editing നു.ഓരോ വിഷയങ്ങളും വ്യത്യസ്ത തലക്കെട്ടുകളില്‍ ക്രമീകരിക്കുകയും അതിനെല്ലാം പ്ര്യത്യേകം ലിങ്ക്‌ നല്‍കുകയും ചെയ്യേണ്ടതുണ്ട്‌. ഇക്കാര്യത്തില്‍ സഹായം എല്ലാവരുടേയും സഹായം പ്രതീക്ഷിക്കുന്നു. പ്രോല്‍സാഹനങ്ങള്‍ക്ക്‌ നന്ദി.പ്രത്യേകിച്ചും എനിക്ക്‌ ഇത്രയും കാര്യങ്ങള്‍ ചെയ്യുവാന്‍ സഹായിച സുനില്‍ റിയാദിനോടുള്ള നന്ദിയും കടപ്പാടും ഇവിടെ രേഖപ്പെടുത്തുന്നു.നിങ്ങളുടെ സഹായം തുടര്‍ന്നും പ്രതീക്ഷിക്കുന്നു.

Saturday, August 26, 2006

നടുമുറ്റം.

നാലുകെട്ടുകളും എട്ടുകെട്ടുകളും അവയുടെ നടുമുറ്റവും എല്ലാം കേരളീയ ഗൃഹനിര്‍മ്മാണ ചരിത്രത്തിലെ ഒരുസുവര്‍ണ്ണ കാലഘട്ടത്തിനെ പ്രതിനിധീകരികരിക്കുന്നു. വീടിനകത്ത്‌ ആകാശത്തിലേക്ക്‌ തുറന്നിരിക്കുന്ന ഒരു ഭാഗം. അതിനുചുറ്റും വരാന്തയും മുറികളും ക്രമീകരിചിരിക്കുന്നു. യഥേഷ്ട്ടം വെളിച്ചവും കാറ്റും ലഭിക്കുന്നു എന്നതു മാത്രമല്ല, നിലാവിന്റെയും മഴയുടെയും സൗന്ദര്യം വീട്ടിനകത്തിരുന്നുകൊണ്ടുതന്നെ ആസ്വദിക്കാനും കഴിഞ്ഞിരുന്നു ഇത്തരം വീടുകളില്‍. ഗൃഹാതുരത്ത്വം എന്നും മനസ്സില്‍കൊണ്ടുനടക്കുന്ന മലയാളി നടുമുറ്റങ്ങളെ വീണ്ടും തങ്ങളുടെ ആധുനിക ഗൃഹങ്ങളിലേക്ക്‌ തിരിച്ചുകൊണ്ടുവന്നു. അതു ചിലപ്പോള്‍ നടുമുറ്റമായും ചിലപ്പോള്‍ "സൈഡ്‌ മുറ്റങ്ങളുമായി" എന്നുമാത്രം. വീടിനകത്തേക്ക്‌ പ്രകൃതിയെ സ്വാഗതം ചെയ്യുന്നു ഇത്തരം നടുമുറ്റങ്ങള്‍. സുരക്ഷിതത്ത്വിനായി ഇത്തരം നടുമുറ്റങ്ങള്‍ക്കുമുകളില്‍ കോണ്‍ക്രീറ്റുകൊണ്ടോ ഇരുമ്പുകൊണ്ടോ ആളുകള്‍ക്ക്‌ പ്രവേശിക്കാന്‍ പറ്റാത്തവിധത്തില്‍ എന്നാല്‍ ഭംഗി ഒട്ടും നഷ്ട്ടപ്പെടാതെ കവചം ഉണ്ടാക്കുന്നത്‌ നന്നായിരിക്കും. പോളീകാര്‍ബണേറ്റ്‌ ഷീറ്റുകള്‍ ഇട്ട്‌ മഴവെള്ളം ഉള്ളില്‍ കടക്കാതെ വെളിച്ചം മാത്രം ലഭിക്കത്തക്കരീതിയില്‍ മേള്‍ഭാഗം അടക്കുന്നവരും ഉണ്ട്‌. പായല്‍ പിന്നെ ഉണങ്ങിയ ഇലകള്‍ എന്നിവ യഥാ സമയം നീക്കുവാന്‍ ശ്രദ്ധിക്കേണ്ടതാണ്‍. പഴയ വരാന്തകള്‍ക്ക്‌ പകരം ഡൈനിങ്ങ്‌ റൂം ലിവിങ്ങ്‌ റൂ സ്റ്റഡീറൂ എന്നിവയാണിന്ന് വരുന്നത്‌.നടുമുറ്റത്തിനകത്ത്‌ ചെറിയ വെള്ളച്ചാട്ടമോ,പാറക്കെട്ടുകളോ,ചെടികളോ ഒക്കെ ക്രമീകരിച്ച്‌ കൂടുതല്‍ മനോഹരമാക്കാവുന്നതാണ്‍.

സ്വപ്നഗൃഹം, ഒരു ആമുഖം.

ഒരു വീട്‌ പ്രത്യേകിച്ചും മലയാളികളുടെ സ്വപ്നമാണ്‍. അതിനുവേണ്ടി ഒത്തിരി പണം ചിലവിടുന്നവര്‍ ഉണ്ട്‌.എന്നാല്‍ പലപ്പോഴും തങ്ങള്‍ ആഗ്രഹിക്കുന്ന രീതിയില്‍ ഉള്ള വീടായിരിക്കില്ല പണിപൂര്‍ത്തിയാകുമ്പോള്‍ ലഭിക്കുന്നത്‌. കൃത്യമായ പ്ലാനിങ്ങോടെയും അല്‍പ്പം പ്രായോഗിക ബുദ്ധിയോടെയും ഗൃഹനിര്‍മ്മാണത്തിനു പുറപ്പെട്ടാല്‍ ഒഴിവാക്കാവുന്ന ഒത്തിരി പ്രശ്നങ്ങള്‍ ഉണ്ട്‌. കേരളത്തിലെ ഏതാണ്ട്‌ 60% ഗൃഹനിര്‍മ്മാണങ്ങളും നിയന്ത്രിക്കുന്നത്‌ വേണ്ടത്ര യോഗ്യതയുള്ളവരുടെ മേല്‍നോട്ടത്തില്‍ അല്ല. ഇതു പലപ്പോഴും ഉടമസ്തനു ഭീമമായ നഷ്ട്ടം വരുത്തിവെക്കുന്നു. പലപ്പോഴു NRI മലയാളികളാണ്‍ ഇത്തരത്തില്‍ ഉള്ള ചൂഷണങ്ങളില്‍പ്പെടുന്നത്‌. ഒരു ഗൃഹം നിര്‍മ്മിക്കുമ്പോള്‍ സാധാരണയായി ശ്രദ്ധിക്കേണ്ട കാര്യങ്ങള്‍ ഈ ബ്ലോഗിലൂടെ പകര്‍ന്നുതരുവാന്‍ ശ്രമിക്കുന്നതാണ്‍.എല്ലാ നല്ലവരായ സുഹൃത്തുക്കളുടേയും സഹകരണം പ്രതീക്ഷിക്കുന്നു.


ഒരു വീടു നിര്‍മ്മിക്കുന്നതിനെ കുറിച്ച്‌ ആലോജിച്ച്‌ തുടങ്ങുമ്പോള്‍ തന്നെ തങ്ങളുടെ ആവശ്യങ്ങള്‍, പരിമിതികള്‍, സാമ്പത്തികസ്തിതി എന്നിവയെ കൃത്യമായി വിലയിരുത്തുക. പിന്നെ വീടു നിര്‍മ്മിക്കാനുദ്ദേശിക്കുന്ന സ്ഥലം,അവിടേക്കുള്ള ഗതാഗതസൗകര്യങ്ങള്‍, സ്ക്കൂള്‍,ആശുപത്രി,കടകള്‍ അയല്‍പക്കം തുടങ്ങിയവയും കണക്കിലെടുക്കണം.വാസ്തു അനുസരിച്ച്‌ ആണ്‍ വീടുനിര്‍മ്മിക്കാന്‍ ഉദ്ദേശിക്കുന്നതെങ്കില്‍ ആദ്യം തന്നെ സ്ഥലം ഒരു വിദഗ്ദനെക്കൊണ്ട്‌ പരിശോധിപ്പിക്കുന്നത്‌ നല്ലതാണ്‍. ഇത്തരം കാര്യങ്ങളെകുറിച്ച്‌ വിശദമായി തുടര്‍ന്നുള്ള പോസ്റ്റിങ്ങുകളില്‍ ...

Saturday, August 19, 2006

Aamukham

This is a space for discussing about your paarppidam. we peoples are very perticular about houses. we have lot of dreams about our houses.
you are spending a big amount for that but not getting good results why? Before you spend money you should study very well about your needs , collect maximum detils about the design and construction.

Its a first step to share knoledge about how to create a nice paarppidam. i need your backups and all kind of helps. I will make this blog in malayalam later on.

thank you.

E-pathram

ePathram.com